គ្រូបឹងកេត ថានឹងមិនឲ្យរបូតគ្រាប់បាល់ច្រើនដូចមុនទេ ពេលប៉ះក្រុមវៀតណាម

2017-12-13 02:09:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ហៅ សុជាតិ គ្រូបង្វឹកក្រុមបឹងកេត ក្នុងសន្និសីទកាលពីម្សិលមិញ បានបង្ហាញក្តីរំពឹងថា ការប្រកួតក្នុងជើងទី២ នៃពានរង្វាន់ Toyota Mekong Club Championship នាម៉ោង ៧ល្ងាចនេះ ជាមួយក្រុមវៀតណាម Sanna Khánh Hòa BVN FC នឹងមិនមានគ្រាប់បាល់ច្រើនដូចកាលពីជើងទី១កន្លងទៅនោះទេ។

លោក ហៅ សុជាតិ គ្រូបឹងកេត ក្នុងសន្និសីទកាសែត កាលពីថ្ងៃទី១២ ខែធ្នូ

កាលពីប៉ះគ្នានៅទឹកដីវៀតណាម ក្រុមបឹងកេតនិង Sanna Khánh Hòa BVN FC មានលទ្ធផលស្មើគ្នា ៤-៤។ យ៉ាងណាមិញ នៅជើងទី២ នាល្ងាចនេះវិញ លោក ហៅ សុជាតិ គិតថានឹងមិនមានគ្រាប់បាល់ច្រើនទៀតទេ ត្បិតអីលោកមើលឃើញពីចំណុចខ្វះខាតច្រើនរបស់កូនក្រុមដែលធ្វើឱ្យរបូតគ្រាប់បាល់នោះហើយ។

ការប្រកួតជើងទី១ ក្នុងពាន Toyota Mekong Club Championship រវាងបឹងកេត និង Sanna Khánh Hòa BVN FC

គ្រូបង្វឹកខាងលើបន្ថែមថា ក្រុមរបស់លោកនឹងលេងការពារឱ្យល្អជាងការប្រកួតនៅទឹកដីវៀតណាម។ ស្របពេលការប្រកួតនៅកម្ពុជាផង នោះពួកគេនឹងលេងកាន់តែល្អជាងប្រកួតមុន បូកផ្សំជាមួយកម្លាំងថ្មី ចាន់ វឌ្ឍនាកា នឹងធ្វើឱ្យបឹងកេតកាន់តែមានសង្ឃឹម។ លោក សង្ឃឹមថាអ្នកគាំទ្រនឹងចូលទស្សនាការប្រកួតឱ្យបានច្រើន ដើម្បីជាកម្លាំងចិត្តដល់កីឡាករកម្ពុជា យកជ័យជម្នះឡើងទៅវគ្គបន្ដទៀត៕