ក្លឹបរបស់ CV11 និងក្លឹប ធារី នឹងប៉ះគ្នាក្នុងពានរង្វាន់មួយនៅពាក់កណ្ដាលខែមករានេះ

2018-01-04 02:40:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ទីបំផុត ការទន្ទឹងរង់ចាំរបស់អ្នកគាំទ្រ ដើម្បីចង់ឃើញការប្រកួតរវាងក្លឹប ដែលកីឡាករកម្ពុជា បានផ្លាស់ទៅលេងនៅប្រទេសម៉ាឡេស៊ី នឹងក្លាយជាការពិត នៅក្នុងព្រឹត្តិការណ៍ពានរង្វាន់ 2018 YAB Menteri Besar Terengganu's Cup ដែលរៀបចំដោយក្លឹបបាល់ទាត់ Terengganu FC នៅពាក់កណ្ដាលខែមករា ឆ្នាំ២០១៧ នៅកីឡដ្ឋាន Sultan Ismail Nasiruddin Shah Terengganu និងកីឡដ្ឋាន Sultan Mizan Zainal Abidin រដ្ឋ Terengganu ប្រទេសម៉ាឡេស៊ី។

ព្រឹត្តិការណ៍ខាងលើ នឹងមានការចូលរួមពីបណ្ដាក្លឹបធំៗមួយចំនួនមកលីគកំពូលម៉ាឡេស៊ី គឺ ម្ចាស់ផ្ទះ Terengganu FC, Pahang FA និង Melaka United ព្រមទាំងក្លឹបមកពីលីគលំដាប់ទីពីរមួយ គឺ Terengganu FC II (ឈុតទីពីររបស់ក្លឹប Terengganu FC)។ ការប្រកួតចាប់ផ្ដើមពីថ្ងៃទី១៥ ដល់ថ្ងៃទី២០ ខែមករា ឆ្នាំ២០១៨។

ការប្រកួតនេះ មានន័យថា កីឡាករកម្ពុជាពីររូបគឺ ធារី ចន្ថាប៊ីន របស់ក្លឹប Terengganu និង ចាន់ វឌ្ឍនាកា របស់ Pahang អាចជួបគ្នា ក្នុងការព្រឹត្តិការណ៍នេះ ស្របពេលដែលក្លឹបទាំងពីរត្រូវបានរាយការណ៍ថា ពួកគេនឹងយកការប្រកួតមិត្តភាព និងការប្រកួតពានរង្វាន់ YAB Menteri Besar Terengganu's Cup ដើម្បីផ្ដល់ឱកាសឲ្យកីឡាករគ្រប់រូបលេង និងជាការសិក្សាស្វែងយល់ពីកីឡាកររៀងៗខ្លួន ត្រៀមសម្រាប់លីគកំពូលម៉ាឡេស៊ី រដូវកាល ២០១៨។