អត្ថន័យ "ផ្លូវល្បឿនលឿន" ដែលលោកអ្នកគួរយល់ដឹង

2018-01-05 05:03:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ផ្លូវល្បឿនលឿន សំដៅដល់ផ្លូវសម្រាប់យានយន្តធ្វើចរាចរណ៍ មានបរិក្ខារចែកទ្រូងផ្លូវជាពីរចំណែកខុសទិសគ្នា ឬចែកជាគន្លងផ្លូវ គ្មានកន្លែងផ្លូវប្រសព្វលើផ្ទៃរាបមួយ ឬត្រូវមានផ្លូវប្រសព្វតិចបំផុតក្នុងករណីចាំបាច់ និងបំពាក់គ្រប់គ្រាន់នូវបរិក្ខារផ្លូវថ្នល់ ដើម្បីធានាលំហូរចរាចរណ៍អត់ឈប់ សុវត្ថិភាព និងដើម្បីបន្ថយពេលវេលាធ្វើដំណើរ និងមានកន្លែងកំណត់ សម្រាប់ឲ្យយានយន្តចេញ និងចូលផ្លូវល្បឿនលឿន។ អត្ថន័យផ្លូវល្បឿនលឿននេះ ដកស្រង់ចេញពីច្បាប់ផ្លូវថ្នល់ នៃព្រះរាជក្រម លេខ នស/រកម/០៥១៤/០០៨ ធ្វើនៅភ្នំពេញ ថ្ងៃទី០៤ ខែឧសភា ឆ្នាំ២០១៤។

គំរូផ្លូវល្បឿនលឿន

គួរកត់សម្គាល់ដែរថា ក្រសួងសាធារណការ និងដឹកជញ្ជូន កំពុងមានគម្រោងសង់ផ្លូវល្បឿនលឿន ២ខ្សែ គឺផ្លូវពី ភ្នំពេញ-ព្រះសីហនុ ដោយបានបញ្ចប់ការចរចាជាមួយក្រុមហ៊ុនចិនរួចរាល់ហើយ នៅរង់ចាំការចុះហត្ថលេខា។ ចំណែកផ្លូវល្បឿនលឿន១ខ្សែទៀត គឺពីភ្នំពេញ-បាវិត ដែលអង្គការ JICA កំពុងសិក្សា៕