មណ្ឌលផ្តល់សេវាបណ្ណបើកបរនៅផ្សារទំនើប១ទៀត នឹងត្រូវបើកដំណើរការនៅថ្ងៃ៣០ឧសភា

2018-05-28 04:41:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងសាធារណការ និងដឹកជញ្ជូន បានប្រកាសនៅថ្ងៃទី២៨ ខែឧសភា ឆ្នាំ២០១៨នេះថា មណ្ឌលផ្តល់សេវាបណ្ណបើកបរដែលមានទីតាំងនៅផ្សារទំនើបអ៊ីអន២ ជាន់ទី២ នឹងចាប់បើកដំណើរការសាកល្បងនៅថ្ងៃទី៣០ ខែឧសភា ឆ្នាំ២០១៨ ខាងមុខនេះហើយ។

មណ្ឌលផ្តល់សេវាបណ្ណបើកបរ នៅផ្សារអ៊ីអន២ (រូបថត៖ FB ក្រសួងសាធារណការ និងដឹកជញ្ជូន)

គួរបញ្ជាក់ថា បច្ចុប្បន្ននេះក្រសួងសាធារណការ កំពុងដំណើរការមណ្ឌលប្តូរ និងពន្យារបណ្ណបើកបរយានយន្ត ដែលមានទីតាំងនៅជាន់ទី១ នៃផ្សារទំនើបអ៊ីអន១ផងដែរ។ មណ្ឌលនេះត្រូវបានបើកសម្ពោធកាលពីថ្ងៃ១៥ ខែមិថុនា ឆ្នាំ២០១៦ ដើម្បីសម្រួលដល់សេវាសាធារណៈ ឲ្យមានភាពងាយស្រួល និងឆាប់រហ័ស ក៏ដូចជាធ្វើឲ្យប្រសើរឡើងនូវតម្លាភាព ចំណេញពេលវេលា និងកាត់បន្ថយការចំណាយ។

សូមជម្រាបដែរថា ផ្សារទំនើបអ៊ីនអនទី២ ស្ថិតក្នុងខណ្ឌសែនសុខ រាជធានីភ្នំពេញ នឹងត្រូវបើកដំណើរការនៅថ្ងៃទី៣០ ខែឧសភា ឆ្នាំ២០១៨ខាងមុខនេះហើយ៕

អត្ថបទពាក់ព័ន្ធ៖ ដឹងថ្ងៃបើកដំណើរការផ្សារទំនើបអ៊ីអនទី២ហើយ

អត្ថបទ៖ សំភី