ដឹងថ្ងៃបើកដំណើរការផ្សារទំនើបអ៊ីអនទី២ហើយ

2018-05-24 08:50:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ផ្សារទំនើបអ៊ីនអនទី២ ស្ថិតក្នុងខណ្ឌសែនសុខ រាជធានីភ្នំពេញ នឹងត្រូវបើកដំណើរការនៅថ្ងៃទី៣០ ខែឧសភា ឆ្នាំ២០១៨ខាងមុខនេះហើយ។ នេះបើយោងតាមការប្រកាសរបស់ក្រុមហ៊ុន AEON Cambodia Co. Ltd នៅលើទំព័រហ្វេសប៊ុកផ្លូវការរបស់ខ្លួនកាលពីពេលថ្មីៗនេះ។

ផ្សារទំនើបដែលគ្រប់គ្រងដោយក្រុមហ៊ុនជប៉ុននេះ ត្រូវបានចាប់ផ្ដើមសាងសង់នៅឆ្នាំ២០១៦ ដោយចំណាយ ១២០លានដុល្លារ លើផ្ទៃដីទំហំជាង ១០ម៉ឺនម៉ែត្រការ៉េ ធំជាងទីតាំងទីមួយដែលមានទំហំ ៦,៨ម៉ឺនម៉ែត្រការ៉េ។

ផ្សារទំនើបអ៊ីអនទី២ ក្នុងខណ្ឌសែនសុខ (រូបថត៖ FB "Nhom Na Ke" បង្ហោះកាលពីថ្ងៃទី២១ ខែមេសា ឆ្នាំ២០១៨)

យោងតាមវិបសាយ Real Estate បានឱ្យដឹងថា គម្រោងផ្សារទំនើបអ៊ីអនម៉លទី២នេះ រួមមានតូបលក់ទំនិញប្រណិតៗ រោងកុន កន្លែងបោះប៊ូលីង ភោជនីយដ្ឋាន ទាមស្រា និងកន្លែងលក់អាហារ ។ ចំណែកទីផ្សារខាងក្រៅធ្វើជាចំណតរថយន្តយ៉ាងធំទូលាយដែលអាចផ្ទុករថយន្តបាន ២៥០០គ្រឿង និងម៉ូតូជាង២ពាន់គ្រឿង។

ប្រធានផ្សារទំនើបអ៊ីអនម៉ល ប្រចាំនៅកម្ពុជា លោក Makoto Yajima ធ្លាប់បានលើកឡើងថា ដោយមើលឃើញផលវិបាករបស់ប្រជាជននៅភាគខាងជើងទីក្រុងភ្នំពេញដែលមានជីវភាពប្រសើរ តែមិនអាចធ្វើដំណើរមកទីតាំងទី១ នៅថ្ងៃចុងសប្ដាហ៍បាន ដោយសារការកកស្ទះចរាចរណ៍ខ្លាំងនោះ ទើបមានការសាងសង់គម្រោងទី២នេះ និងរំពឹងថាអាចទាក់ទាញអតិថិជនទាំងនោះ ឱ្យទៅកម្សាន្តបាន៕

អត្ថបទពាក់ព័ន្ធ៖

អត្ថបទ៖ សំភី