មូលហេតុដែលសម្បូរពស់នៅតាមផ្ទះពលរដ្ឋនៅបាងកក ត្រូវគេបកស្រាយហើយ!

2018-05-28 06:25:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នាយកដ្ឋានឧទ្យានជាតិ និងអភិរក្សសត្វព្រៃ និងរុក្ខជាតិរបស់ថៃ (DNP) បានឲ្យដឹងថា ពស់ចំនួន ៤៦១២ក្បាល ត្រូវបានគេរកឃើញ និងចាប់បាន នៅតាមផ្ទះប្រជាជនដែលរស់នៅទីក្រុងបាងកក កាលពីឆ្នាំ២០១៧កន្លងទៅ។

ហេតុអ្វីបានជាពស់ចូលចិត្តរស់នៅតាមផ្ទះប្រជាជន? សំនួរនេះត្រូវលោក Supakorn Pathumrattanakarn អ្នកជំនាញនៅ DNP បកស្រាយថា នេះក៏ដោយសារតែពស់នៅទីនោះអាចចាប់សត្វកណ្ដុរធ្វើជាចំណីបាន។ លោកប្រាប់បន្តថា ការគ្រប់គ្រងសំរាមក្នុងទីក្រុងបាងកកនៅមិនទាន់ល្អនៅឡើយទេ ដូច្នេះទើបបណ្ដាលឲ្យមានសត្វកណ្ដុរច្រើន ហើយវាក៏ក្លាយជាហេតុផលដែលទាក់ទាញសត្វពស់ផងដែរ។ "ទីណាមានកណ្ដុរ ទីនោះមានសត្វពស់" នេះជាការថ្លែងរបស់លោក Supakorn។

នាយកដ្ឋានឧទ្យានជាតិ និងអភិរក្សសត្វព្រៃ និងរុក្ខជាតិរបស់ថៃ ត្រៀមលែងពស់ថ្លាន់ចូលទៅក្នុងព្រៃ/ រូបភាព៖ AP

សូមបញ្ជាក់ថា សត្វពស់ដែលត្រូវគេចាប់បាននៅឆ្នាំ២០១៧ក្នុងទីក្រុងបាងកក មាន ៤៥១៩ក្បាលសុទ្ធតែជាប្រភេទពស់ថ្លាន់ ហើយតំបន់ដែលចាប់ពស់បានច្រើនជាងគេ មានដូចជា តំបន់ Yannawa (៧៨៦ក្បាល), Hua Mark (៦២៧ក្បាល) និង Bang Khunnon (៦០៨ក្បាល)៕