រឿង Ramos និង Karius ល្បីដល់ថ្នាក់អតីតតួក្ដៅសាច់ Mia Khalifa បង្ហោះលើបណ្ដាញសង្គម

2018-05-29 07:00:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្នុងវគ្គផ្តាច់ព្រ័ត្រ ពានរង្វាន់ UEFA Champions League កន្លងទៅ រឿងរបស់ខ្សែការពារ Sergio Ramos របស់ Real Madrid និងអ្នកចាំទី Loris Karius បានទទួលការចាប់អារម្មណ៍យ៉ាងខ្លាំងពីអ្នកតាមដានកីឡា។ មិនត្រឹមតែប៉ុណ្ណោះ អតីតតារាក្នុងរឿងអាសអាភាស Mia Khalifa ក៏បានបង្ហោះនៅលើបណ្ដាញសង្គមពាក់ព័ន្ធនឹងរឿងនេះផងដែរ។

Mia Khalifa (រូបថត៖ elpopular)

Mia Khalifa បានបង្ហោះសារលើកទឹកចិត្តចំពោះ Karius ប៉ុន្តែបានបញ្ចេញកំហឹងចំពោះ Ramos ដោយសរសេរលើបណ្ដាញសង្គម Instagram កាលពីថ្ងៃទី២៨ឧសភាថា៖ ***«ចូរញញឹមបន្តទៅទៀត។ កំហុស គឺគ្រាន់តែជាធម្មជាតិរបស់មនុស្សប៉ុណ្ណោះ (រូបបេះដូង) #F*ckYouRamos @Lorisk21»***។

Mia Khalifa បង្ហោះនៅលើបណ្ដាញសង្គម Instagram ពាក់ព័ន្ធនឹង Karius និង Ramos

គួររំឭកថា Karius បានបង្កើតកំហុសពីរលើក ក្នុងការប្រកួតដែល Real Madrid យកឈ្នះ Liverpool ដោយលទ្ធផល ៣-១។ ចំណែក Romos ត្រូវបានអ្នកគាំទ្រ Liverpool និងអ្នកតាមដានបាល់ទាត់មួយចំនួនទម្លាក់កំហុសថា គេបានធ្វើឲ្យកីឡាករឆ្នើម Mohamed Salah របស់ក្រុមហង្សក្រហមរបួសស្មា ដែលត្រូវបានប្ដូរចេញក្នុងតាំងពីពាក់កណ្ដាលវគ្គទី១ ក្នុងការប្រកួតខាងលើ៕