ក្រសួង និងក្រុមហ៊ុន បញ្ជាក់រឿងលុបចោលគម្រោងសាងសង់ព្រលានយន្តហោះ នៅខេត្តកណ្ដាល

2018-06-04 10:00:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បន្ទាប់ពីមានការចេញផ្សាយរបស់សារព័ត៌មានក្នុងស្រុកស្ដីពីការលុបគម្រោងព្រលានយន្តហោះថ្មី ស្ថិតក្នុងខេត្តកណ្តាល មន្រ្តីពាក់ព័ន្ធ ២រូប រួមជាមួយអគ្គនាយករងក្រុមហ៊ុន OCIC បានអះអាងស្រដៀងគ្នាថា មិនទាន់ទទួលព័ត៌មានណាមួយបញ្ជាក់ពីការលុបចោលគម្រោងព្រលានយន្តហោះនេះ នៅឡើយនោះទេ។

រូបតំណាង

លោក កែវ ស៊ីវន អគ្គនាយកបច្ចេកទេសនៃអាកាសចរណ៍កម្ពុជា បានថ្លែងឲ្យដឹងនៅរសៀលថ្ងៃទី៤ ខែឧសភានេះថា លោកមិនទាន់ទទួលបាននូវដំណឹង ឬភស្តុតាងណាមួយដែលបញ្ជាក់ពីការលុបគម្រោងនេះចោលទេ។

រីឯអ្នកនាំពាក្យក្រសួងដែនដីនគររូបនីយកម្ម លោក សេង ឡូត អះអាងសដៀងគ្នាដែរថា លោកមិនបានទទួលដំណឹងនេះទេ។ “ប្រភពព័ត៌មានដែលចុះផ្សាយហ្នឹង គ្រាន់តែជាការបន្លំទេដឹង... សម្រាប់ខ្ញុំផ្ទាល់មិនទាន់ទទួលបានព័ត៌មាននេះទេ”។ លោក សេង ឡូត មានប្រសាសន៍។

ចំណែកលោក ទូច សំណាង អគ្គនាយករងក្រុមហ៊ុន OCIC ដែលជាក្រុមហ៊ុនចូលរួមវិនិយោគលើគម្រោង ព្រលានយន្តហោះនេះ បានអះអាងស្រដៀងគ្នានឹងមន្ត្រីខាងលើដែរ ដោយលោកសុំមិនធ្វើការអត្ថាធិប្បាយលម្អិត គ្រាន់តែបញ្ជាក់ថា មិនទទួលបានដំណឹងនៃការលុបចោលគម្រោព្រលានយន្តនេះទេ។

គួរជម្រាបថា ព្រលានយន្តហោះអន្តរជាតិភ្នំពេញថ្មី ត្រូវបានប្រកាសថានឹងសាងសង់លើផ្ទៃដីទំហំប្រមាណ ២៦០០ហិកតា ស្ថិតនៅក្រុងតាខ្មៅ ស្រុកកណ្តាលស្ទឹង ខេត្តកណ្តាល។ គម្រោងនេះនឹងចំណាយទុន រហូតដល់ទៅ ១៥០០លានដុល្លារ ដោយក្នុងនោះទឹកប្រាក់ ១១០០លានដុល្លារ ជាកម្ចីពីធនាគារបរទេស កម្ចីភាគទុនក្រុមហ៊ុនវិនិយោគអនិកជននៅកម្ពុជា (OCIC) របស់អ្នកឧកញ៉ា ពុង ឃាវសែ ចំនួន ២៨០លានដុល្លារ និងដើមទុនចុះបញ្ជី ១២០លានដុល្លារ ពោលគឺក្រុមហ៊ុន OCIC មានទុនវិនិយោគ ៩០% ហើយរដ្ឋលេខាធិការដ្ឋានអាកាសចរណ៍ស៊ីវិលតំណាងរាជរដ្ឋាភិបាលកម្ពុជាមាន ១០%៕