វៀតណាមជួលឧទ្ធម្ភាគចក្រទៅជួយសង្គ្រោះកម្មករនៅឡាវ
- 2018-07-25 03:41:21
- ចំនួនមតិ 0 | ចំនួនចែករំលែក 0
វៀតណាមជួលឧទ្ធម្ភាគចក្រទៅជួយសង្គ្រោះកម្មករនៅឡាវ
ចន្លោះមិនឃើញ
ក្រុមហ៊ុនវៀតណាមមួយឈ្មោះ Hoang Anh Gia Lai JSC បានជួលឧទ្ធម្ភាគចក្រ១គ្រឿង ដើម្បីទៅដឹកកម្មករចំនួន ២៦នាក់ ដែលរងគ្រោះដោយសារទឹកជំនន់ព្រោះការបាក់ទំនប់វារីអគ្គិសនី Xepian-Xe Nam Noy នៅខេត្តអាត់តាពើ ប្រទេសឡាវ កាលពីយប់ថ្ងៃទី២៣ ខែកក្កដា ឆ្នាំ២០១៨។
កម្មករទាំង២៦នាក់ កំពុងជាប់គាំងខ្លួននៅក្នុងឃុំ Paksong ខេត្ត Champasak ដែលមានព្រំប្រទល់ជាប់នឹងភាគខាងកើតខេត្តអាត់តាពើ។ បើតាមការរំពឹងទុក ការជួយសង្គ្រោះនឹងធ្វើនៅឡើងនៅព្រឹកថ្ងៃទី២៥ កក្កដា នេះ។ លោក Nguyen Nhat Hoa ប្រធានក្រុមហ៊ុន Dia Thang ដែលជាបុត្រសម្ព័ន្ធរបស់ក្រុមហ៊ុន Hoang Anh Gia Lai បានបញ្ជាក់ថា ក្នុងចំណោមកម្មករទាំងនោះមាន ២៥នាក់ជាជនជាតិឡាវ និងម្នាក់ជាជនជាតិវៀតណាម។
យោងតាមសារព័ត៌មាន Vietnam Plus បានឲ្យដឹងថា មិនទាន់មានរបាយការណ៍អំពីការស្លាប់របស់ជនជាតិវៀតណាមក្នុងហេតុការណ៍បាក់ទំនប់វារីអគ្គិសនីនៅប្រទេសឡាវនោះទេ៕