Suzuki Cup៖ មុនប៉ះកម្ពុជា កីឡាករមីយ៉ាន់ម៉ា ថាក្រុមខ្លួនអាចឡើងដល់វគ្គផ្តាច់ព្រ័ត្រ

2018-11-12 08:15:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កីឡាករ Maung Maung Lwin បានលើកឡើងថា ក្រុមបាល់ទាត់ជម្រើសជាតិមីយ៉ាន់ម៉ា នឹងអាចឡើងទៅដល់វគ្គផ្តាច់ព្រ័ត្រ ពានរង្វាន់ AFF Suzuki Cup 2018 បន្ទាប់ពីមីយ៉ាន់ម៉ា បានឡើងដល់វគ្គពាក់កណ្ដាលផ្តាច់ព្រ័ត្រ កាលពី២ឆ្នាំមុន។ ការលើកឡើងនេះ ត្រូវបានធ្វើឡើងមុនការប្រកួតទល់នឹងក្រុមកម្ពុជា នៅពូល A នាល្ងាចថ្ងៃទី១២ ខែវិច្ឆិកានេះ។

ខ្សែបម្រើប្រយុទ្ធរបស់ក្រុមមីយ៉ាន់ម៉ា Maung Maung Lwin កាលប៉ះជាមួយក្រុមថៃ (រូបថត៖ AFF Suzuki Cup)

ខ្សែបម្រើប្រយុទ្ធរបស់ក្លឹប Yanyon United នេះ បាននិយាយដូច្នេះថា៖ ***«ខ្ញុំជឿជាក់លើក្រុមរបស់ពួកយើង ថា អាចធ្វើបានល្អដើម្បីឡើងទៅកាន់វគ្គពាក់កណ្ដាលផ្តាច់ព្រ័ត្រម្ដងទៀត។ ពួកយើងលេងបានល្អលក្ខណៈជាក្រុម និងបុគ្គល ដូច្នេះវាមិនត្រឹមតែវគ្គពាក់កណ្ដាលផ្ដាច់ព្រ័ត្រប៉ុណ្ណោះទេ ក៏ប៉ុន្តែពួកយើងបានដាក់គោលដៅឡើងទៅកាន់វគ្គផ្តាច់ព្រ័ត្រផងដែរ»***។

សូមរំឭកថា កាលពីឆ្នាំ២០១៦ មីយ៉ាន់ម៉ា បានឡើងទៅដល់វគ្គពាក់កណ្ដាលផ្តាច់ព្រ័ត្រ Suzuki Cup តែធ្លាក់ក្រោមថ្វីក្រុមជើងឯកថៃ។

ក្នុងប្រវត្តិជួបគ្នាចុងក្រោយកាលពីឆ្នាំ២០១៧ មីយ៉ាន់ម៉ា បានយកឈ្នះកម្ពុជា ដោយលទ្ធផល ២-១ ក្នុងការប្រកួតមិត្តភាពអន្តរជាតិ៕

អត្ថបទទាក់ទង