សារព័ត៌មាន ១០ ប្រកាសគាំទ្រ CNN ដែលប្ដឹងរដ្ឋបាល ដូណាល់ ត្រាំ

2018-11-15 08:38:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ថ្មីៗនេះ សារព័ត៌មាន CNN បានដាក់ពាក្យបណ្ដឹងទៅកាន់តុលាការក្រុងវ៉ាស៊ីនតោនឌីស៊ី ពាក់ព័ន្ធនឹងរដ្ឋបាលរបស់លោកប្រធានាធិបតីអាមេរិក ដូណាល់ ត្រាំ ដែលបានដកហូតកាតសារព័ត៌មានពីអ្នកកាសែតប្រចាំសេតវិមានលោក Jim Acosta ។ ពាក្យបណ្ដឹងនេះ ត្រូវបានសារព័ត៌មានចំនួន ១០ ប្រកាសគាំទ្រ។

យោងតាមវេបសាយ Business Insider សារព័ត៌មានដែលបានគាំទ្រ CNN មានដូចជា៖ Associated Press, Bloomberg, First Look Media, Gannett, NBC, The New York Times, Politico, USA Today, The Washington Post និង Fox News ។

លោកប្រធានាធិបតី ដូណាល់ ត្រាំ ចង្អុលលោក Jim Acosta អ្នកសារព័ត៌មានរបស់ CNN ប្រចាំសេតវិមាន (រូបថត៖ Reuters)

កាលពីថ្ងៃទី១៣ វិច្ឆិកា CNN បានចេញសេចក្ដីថ្លែងការណ៍ថា រដ្ឋបាលលោក ដូណាល់ ត្រាំ បានរំលោភសិទ្ធិសេរីភាពសារព័ត៌មាន។

សូមជម្រាបថា ការសម្រេចរបស់សេតវិមាន ធ្វើឡើងបន្ទាប់ពីការប៉ះទង្គិចពាក្យសម្ដីរវាងលោក Acosta និងលោក ត្រាំ ក្នុងសន្និសីទសារព័ត៌មានមួយ កាលពីសប្ដាហ៍មុន។ អំឡុងសន្និសីទនោះ លោក ត្រាំ បញ្ជាឲ្យដកយកមីក្រូហ្វូនពីដៃលោក Acosta ដែលបានសួរ ត្រាំ ជុំវិញបញ្ហាជនអន្តោប្រវេសន៍ ដែលព្យាយាមឆ្លងចូលទៅកាន់ទឹកដីអាមេរិក៕

អត្ថបទទាក់ទង

អត្ថបទ៖ លាភ.