ចាន់ រតនា ប្រឹងហាត់រាល់ថ្ងៃ ត្រៀមប្រកួតនៅ ONE ទោះថ្ងៃចូលឆ្នាំក៏មិនដើរលេងដែរ

2019-04-17 12:34:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កីឡាករគុនខ្មែរ ចាន់ រតនា បានប្រឹងប្រែងហ្វឹកហាត់ជារៀងរាល់ថ្ងៃ សូម្បីតែអំឡុងថ្ងៃបុណ្យចូលឆ្នាំប្រពៃណីខ្មែរ ពីថ្ងៃទី១៤ ដល់ទី ១៦ ខែមេសា ដែលពលរដ្ឋខ្មែរភាគច្រើននាំគ្នាដើរកម្សាន្តនោះ ក៏ចាន់ រតនា នៅសម្ងំហ្វឹកហាត់ដែរ។

រតនា បានប្រាប់ [Kley Kley] ថា៖ "ចូលឆ្នាំ ខ្ញុំអត់ទៅណាទេបង គឺនៅផ្ទះហ្វឹកហាត់ធម្មតា។ ខ្ញុំត្រូវហ្វឹកហាត់ត្រៀមប្រកួត ព្រោះការប្រកួតកៀកដែរ នៅតែ ២សប្ដាហ៍ទៀតប៉ុណ្ណោះ អ៊ីចឹងត្រូវបុកហាត់ខ្លាំង"។

ចាន់ រតនា កំពុងហ្វឹកហាត់នៅក្លឹបសិល្បៈរបស់ខ្លួន នាពេលកន្លងមក

សូមបញ្ជាក់ថា ចាន់ រតនា នឹងឡើងប្រកួតជាថ្មីនៅទ្រុង ONE Championship នាថ្ងៃទី៣ ខែឧសភាខាងមុខនេះ នៅក្នុងព្រឹត្តិការណ៍ ONE: FOR HONOR នៅទីក្រុងហ្សាការតា ប្រទេសឥណ្ឌូណេស៊ី ដោយប៉ះកីឡាករម្ចាស់ផ្ទះឥណ្ឌូណេស៊ី Rudy Agustian។

ចំពោះបញ្ហាគីឡូ រតនាបញ្ជាក់ថាអត់បញ្ហាទេ ដោយសារខ្លួនបានហាត់រក្សាទម្ងន់តាំងពីដើមរៀងមក អត់ឡើងលើសគីឡូដែលត្រូវប្រកួតច្រើននោះទេ។

សិស្សគុនប្រចាំក្លឹបសិល្បៈ (Selapak) រូបនេះ បានបន្ថែមថា ក្រៅពីហ្វឹកហាត់ ខ្លួនក៏បានមើលវីដេអូប្រកួតរបស់គូប្រកួតជាច្រើនដងផងដែរ ដើម្បីស្វែងយល់ពីក្បាច់ ចំណុចខ្លាំង និងចំណុចខ្សោយរបស់គេ។ រតនា សង្កត់ធ្ងន់ថា៖ "ខ្ញុំបានមើលវីដេអូរបស់គេ ហើយខ្ញុំក៏បានមើលការប្រកួតរបស់គេដោយផ្ទាល់ កាលខ្ញុំទៅឲ្យទឹក នៅមីយ៉ាន់ម៉ាផងដែរ។ អ្វីដែលខ្ញុំត្រូវបង្កើន គឺកម្លាំង។ បើខ្ញុំមានកម្លាំងខ្លាំងគ្រប់គ្រាន់ ខ្ញុំសង្ឃឹមឈ្នះការប្រកួតនេះ"។