តើស្រ្តី៣រូប ក្នុងកិច្ចប្រជុំកំពូលG20 ជានរណា?

2019-06-28 08:17:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កិច្ចប្រជុំកំពូល G20 នៅក្រុងអូសាកា ប្រទេសជប៉ុន ត្រូវបានចាប់ផ្តើមជាផ្លូវការហើយ នៅថ្ងៃទី២៨ ខែមិថុនា ឆ្នាំ២០១៩នេះ។ អ្នកដែលចូលរួមក្នុងកិច្ចប្រជុំនេះ គឺសុទ្ធតែជាមេដឹកនាំកំពូលនៃប្រទេសសមាជិក G20 ចំនួន២០ប្រទេស, ប្រទេសក្នុងនាមជាភ្ញៀវកិត្តិយសចំនួន៨ និងមេស្ថាប័នអន្តរជាតិធំៗចំនួន ៩។

រូបថត៖ AFP

ក្នុងចំណោមមេដឹកនាំខាងលើនេះ គឺមានតែស្រ្តីតែ៣រូបប៉ុណ្ណោះ រួមមាន លោកស្រីអធិការបតីអាល្លឺម៉ង់ Angela Merkel, លោកស្រីនាយករដ្ឋមន្រ្តីអង់គ្លេស Theresa May និងលោកស្រី Christine Lagarde ប្រធានមូលនិធិរូបិយវត្ថុអន្តរជាតិ IMF។ លោកស្រី Merkel គឺជាមេដឹកនាំស្រ្តីដែលបានចូលរួមក្នុងកិច្ចប្រជុំកំពូល G20 ច្រើនជាងគេបំផុត បន្ទាប់មកគឺលោកស្រី Lagarde។

គិតចាប់ពីឆ្នាំ២០០៨មក ឆ្នាំដែលមានមេដឹកនាំស្រ្តីចូលរួមកិច្ចប្រជុំ G20 ច្រើនជាងគេបំផុតគឺនៅឆ្នាំ២០១២ និង ២០១៣ ដែលមានចំនួន ៥នាក់។ ក្នុងនោះ៖

-ឆ្នាំ២០១២៖ លោកស្រី Merkel, លោកស្រី Lagarde, លោកស្រី Dilma Rousseff ប្រធានាធិបតីប្រេស៊ីល, លោកស្រី Cristina Fernandez de Kirchner ប្រធានាធិបតីអាហ្សង់ទីន និងលោកស្រី Julia Gillard នាយករដ្ឋមន្រ្តីអូស្ត្រាលី។

-ឆ្នាំ២០១៣៖ លោកស្រី Merkel, លោកស្រី Lagarde, លោកស្រី Park Geun-hye ប្រធានាធិបតីកូរ៉េខាងត្បូង, លោកស្រី Dilma Rousseff និងលោកស្រី Cristina Fernandez de Kirchner៕

ចុចអានបន្ថែម៖

-អាស៊ាន៤ប្រទេស បានចូលរួមកិច្ចប្រជុំ G-20 នៅជប៉ុន តែក្នុងឋានៈផ្សេងគ្នា

-លោក ស៊ី ជិនពីង ដើរទៅចាប់ដៃលោក ដូណាល់ ត្រាំ មុនពេលថតរូបជុំគ្នាបើកកិច្ចប្រជុំ G20

ប្រភព៖ CNN ប្រែសម្រួល៖ សំភី