សម្តេចពិជ័យសេនា ទៀ បាញ់ បញ្ជាក់បន្ថែមពីការជួបគ្នារវាងមេទ័ព កម្ពុជា និងឡាវ

2019-08-26 03:14:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានមានប្រសាសន៍ប្រាប់រស្មីកម្ពុជាកាលពីល្ងាចថ្ងៃទី២៤ ខែសីហា ថា តាមបញ្ជារបស់នាយករដ្ឋមន្ត្រីទាំងពីរ (កម្ពុជា-ឡាវ) គឺបានឲ្យមេបញ្ជាការនៅជួរមុខជួបគ្នាកាលពីល្ងាចថ្ងៃទី២៤ ខែសីហា គោលការណ៍សំខាន់ គឺបញ្ហាតែមួយទេ ឯកភាពគ្នាកំណត់ថេរៈវេលាឲ្យកម្លាំងទាំងពីរចាកចេញពីនៅចំនុចទន្លេល្ពៅក្នុងតំបន់មុំបី ទៅអង្គភាពដើមវិញ។ ដោយកិច្ចការងារនេះ បានទទួលបញ្ជាពីនាយករដ្ឋមន្ត្រីទាំងពីរហើយ។

ប្រមុខការពារជាតិកម្ពុជាបានបញ្ជាក់យ៉ាងដូច្នេះថា ជំនួប គឺជំនួបហើយ ឥឡូវគេបន្តធ្វើឲ្យបានម៉ត់ចត់ ដូច្នេះភាគីទាំងពីរនឹងបន្តធ្វើនៅប៉ុន្មានថ្ងៃទៀត ការជួបគ្នាកាលពីល្ងាចថ្ងៃទី២៤ ខែសីហា បានចប់ហើយ គឺគ្មានច្រកណាក្រៅពីអនុវត្តតាមបទបញ្ជារបស់នាយករដ្ឋមន្ត្រីទេ ក៏ប៉ុន្តែគេរៀបចំព្រាងលិខិតស្នាមបញ្ជាក់អះអាងឲ្យមានភាពជាក់លាក់បន្ថែមទៀតនៅពេលជួបគ្នានៅពេលក្រោយ តិចទៀតបានសម្រេចកំណត់ថេរៈវេលាច្បាស់លាស់ជាមួយគ្នា ។

សម្តេចពិជ័យសេនា ទៀ បាញ់ បានបន្ថែមថា ជំនួបនេះ គឺផ្តោតសំខាន់ទៅការដកកម្លាំងទាំងសងខាងទៅអង្គភាពដើមវិញ តែដកនឹងគេមិនទាន់ធ្វើភ្លាមទេ គឺត្រូវមានជាលាយលក្ខអក្សរដើម្បីបញ្ជាក់ រួចហើយឈានមួយជំហានទើបបានចប់ ។

សម្តេចពិជ័យសេនា ទៀ បាញ់ បានបញ្ជាក់ ចំពោះស្ថានភាពព្រំដែនកម្ពុជា ឡាវ គឺមានភាពល្អប្រសើរ ពីព្រោះថ្នាក់ដឹកនាំកំពូលនៃប្រទេសទាំងពីរបានជួបឯកភាពគ្នាហើយ គឺត្រូវតែអនុវត្តតាមបទបញ្ជាដ៏ម៉ឹងម៉ាត់បំផុត៕

ចុចអាន៖

អត្ថបទ៖ ម៉េងងី