ឪពុកម្តាយ​របស់នារីអង់គ្លេសដែលបាត់ខ្លួន បាន​ធ្វើដំណើរ​មកដល់​កម្ពុជា​ហើយ បន្ទាប់ពីទទួលបានព័ត៌មានការបាត់ដំណឹងរបស់កូនស្រីខ្លួន។ នេះបើតាមការចុះផ្សាយរបស់ The Guardian នា​ព្រឹកថ្ងៃទី២៨ ខែតុលា ​ឆ្នាំ​២០១៩​នេះ។

ឪពុកឈ្មោះ Phil Bambridge បាន​ទៅដល់កោះនេះ កាលពីយប់ថ្ងៃអាទិត្យម្សិលមិញ បន្ទាប់ពីធ្វើដំណើរចេញពីប្រទេសវៀតណាម (កន្លែងដែលគាត់ស្នាក់នៅ និងធ្វើការ)។ ចំណែក​ម្តាយ​ឈ្មោះ Linda Schultes បាន​ធ្វើដំណើរ​ពី​ប្រទេសអង់គ្លេស មកដល់កម្ពុជាហើយ និងរំពឹងថា នឹង​ទៅដល់កោះរ៉ុង នៅព្រឹកថ្ងៃទី២៨ ខែតុលានេះ។

នារី​ជនជាតិអង់គ្លេសមួយរូប ឈ្មោះ Amelia Bambridge វ័យ២១ឆ្នាំ បាន​បាត់ខ្លួន ក្រោយ​ពេល​ចូលរួមពិធីជប់លៀង​មួយ​នៅឆ្នេរកោះរ៉ុង (Police Beach) កាលពី​ព្រឹកទាបភ្លឺថ្ងៃទី២៤ ខែតុលា ឆ្នាំ​២០១៩កន្លងទៅ៕

ចុចអានបន្ថែម៖ មុន​បាត់ខ្លួន! នារី​អង់គ្លេស បាន​ប្រាប់​ប្អូនស្រី​ខ្លួន​អំពី​អារម្មណ៍​ពិត​ ពេល​ចូលរួម​ជប់លៀង​នៅកោះរ៉ុង