សមត្ថកិច្ច​សួរចម្លើយ​មនុស្ស​ជាង ២០​នាក់ ក្នុង​រឿងបាត់ខ្លួន​នារី​អង់គ្លេស​នៅ​កោះរ៉ុង

  • 2019-10-30 06:15:00
  • ចំនួនមតិ 13 | ចំនួនចែករំលែក 90

ចន្លោះមិនឃើញ

លោក​ឧត្តមសេនីយ៍ទោ ជួន ណារិន ស្នងការ​នគរបាល​ខេត្ត​ព្រះសីហនុ បាន​ថ្លែងប្រាប់ [ខ្លីៗ] នៅព្រឹកថ្ងៃទី​៣០ ខែតុលា ឆ្នាំ​២០១៩​ថា ជុំវិញ​ករណី​បាត់ខ្លួន​នារី​ជនជាតិអង់គ្លេស​ឈ្មោះ Amelia Bambridge នៅកោះរ៉ុង សមត្ថកិច្ច​​បាន​សាកសួរ​មនុស្សជាង ២០នាក់ហើយ ប៉ុន្តែ​នៅមិនទាន់រកឃើញមានតម្រុយ​អ្វីឡើយ។

លោក​បញ្ជាក់​ថា «យើងប្រើប្រាស់​កម្លាំងសរុប វិធានការ​ចម្រុះ ហើយមើល​លើផ្ទៃទឹក មុជទឹក លើគោក និង​ក្នុងព្រៃ ប៉ុន្តែមិនទាន់​ឃើញ​មាន​ដានអី​ដែលគួរ​ឲ្យសង្ស័យ។ ហើយយើង​នឹងបន្តរកទៀត»។

លោក​ស្នងការ​បន្តថា ក្នុងប្រតិបត្តិការស្វែងរក​នារីជាភ្ញៀវទេសចរនេះ សមត្ថកិច្ច​ក៏បាន​បញ្ជូនសត្វឆ្កែ​មួយក្បាល​ (ឆ្កែជំនាញ) ពី​នាយកដ្ឋាន​បច្ចេកវិទ្យា វិទ្យាសាស្រ្ត នៃ​អគ្គស្នងការដ្ឋាន​នគរបាល​ជាតិ ទៅដល់​កោះរ៉ុង​ផងដែរ។

ចំណែក​លោក​ឧត្តមសេនីយ៍​ឯក ឆាយ គឹមខឿន អគ្គ​ស្នងការរង​នគរ​បាលជាតិ និង​ជាអ្នកនាំពាក្យ​ បានបញ្ជាក់ប្រាប់ [ខ្លីៗ] មុននេះ​បន្តិច​ថា សមត្ថកិច្ចពាក់​ព័ន្ធកំពុង​តែខំប្រឹងរក ហើយមក​ដល់ពេលនេះ​សាកសព​អណ្តែត​ក៏អត់ឃើញ​មាន។ «បងប្អូនកំពុង​តែរក ប៉ុន្តែ​មិនទាន់​មានរបាយការណ៍​ថា រកតម្រុយអ្វី​សង្ស័យឃើញ​នៅឡើយទេ»។

សូម​ជម្រាប​ថា នារីដែល​បាត់ខ្លួន មានឈ្មោះ BAMBRIDGE AMELIA LOUISE (ឬ Amelia Bambridge) កើតថ្ងៃទី១៤ ខែកក្កដា ឆ្នាំ១៩៩៨ សញ្ជាតិ​អង់គ្លេស កាន់លិខិតឆ្លងដែនលេខ ៥៣១៨៩០៨៣៣ បានចេញពី​ក្រុងព្រះសីហនុ ឆ្ពោះទៅគោលដៅក្រុង​កោះរ៉ុង នៅម៉ោង​៥:០០ល្ងាច ថ្ងៃទី១៩ ខែតុលា ឆ្នាំ២០១៩ មកដល់​កោះរ៉ុងនៅម៉ោង៦:០០ល្ងាច។ នាងបាន​ចូលស្នាក់​នៅផ្ទះសំណាក់ Ness Beach នៅម៉ោង៨:១៥នាទី​យប់ ថ្ងៃខែឆ្នាំ​ដដែលក្នុងគោលបំណង​ទេសចរណ៍។

មុនបាត់ខ្លួនគេបានប្រទះឃើញ​នារីនោះលើកចុងក្រោយ​នៅម៉ោង៣:៣០នាទីទៀបភ្លឺ ឈានចូលថ្ងៃទី២៤ ខែតុលា ឆ្នាំ២០១៩ ក្នុងពិធីជប់លៀង​មួយនៅឆ្នេរកោះរ៉ុង (Police Beach) ក្រោយមកក៏បាត់​ដំណឹងតែម្តង។ សមត្ថកិច្ចមូលដ្ឋាន​បានរកឃើញ​កាបូប និងសម្ភារៈមួយចំនួន​របស់នាង​នៅលើផ្ទាំងថ្ម​ជាប់ឆ្នេរ​ក្បែរកន្លែង​ធ្វើពិធីជប់លៀង​នោះផងដែរ។ ករណីនេះ អាជ្ញាធរក្រុងកោះរ៉ុង បានព្យាយាម​ស្វែងរកនារីរងគ្រោះ​ក្រោយទទួលដំណឹងភ្លាមៗពី​ការបាត់ខ្លួននេះ៕

ចុចអាន៖ មុន​បាត់ខ្លួន! នារី​អង់គ្លេស បាន​ប្រាប់​ប្អូនស្រី​ខ្លួន​អំពី​អារម្មណ៍​ពិត​ ពេល​ចូលរួម​ជប់លៀង​នៅកោះរ៉ុង

លោក​ឧត្តមសេនីយ៍ទោ ជួន ណារិន ស្នងការ​នគរបាល​ខេត្ត​ព្រះសីហនុ បាន​ថ្លែងប្រាប់ [ខ្លីៗ] នៅព្រឹកថ្ងៃទី​៣០ ខែតុលា ឆ្នាំ​២០១៩​ថា ជុំវិញ​ករណី​បាត់ខ្លួន​នារី​ជនជាតិអង់គ្លេស​ឈ្មោះ Amelia Bambridge នៅកោះរ៉ុង សមត្ថកិច្ច​​បាន​សាកសួរ​មនុស្សជាង ២០នាក់ហើយ ប៉ុន្តែ​នៅមិនទាន់រកឃើញមានតម្រុយ​អ្វីឡើយ។

លោក​បញ្ជាក់​ថា «យើងប្រើប្រាស់​កម្លាំងសរុប វិធានការ​ចម្រុះ ហើយមើល​លើផ្ទៃទឹក មុជទឹក លើគោក និង​ក្នុងព្រៃ ប៉ុន្តែមិនទាន់​ឃើញ​មាន​ដានអី​ដែលគួរ​ឲ្យសង្ស័យ។ ហើយយើង​នឹងបន្តរកទៀត»។

លោក​ស្នងការ​បន្តថា ក្នុងប្រតិបត្តិការស្វែងរក​នារីជាភ្ញៀវទេសចរនេះ សមត្ថកិច្ច​ក៏បាន​បញ្ជូនសត្វឆ្កែ​មួយក្បាល​ (ឆ្កែជំនាញ) ពី​នាយកដ្ឋាន​បច្ចេកវិទ្យា វិទ្យាសាស្រ្ត នៃ​អគ្គស្នងការដ្ឋាន​នគរបាល​ជាតិ ទៅដល់​កោះរ៉ុង​ផងដែរ។

ចំណែក​លោក​ឧត្តមសេនីយ៍​ឯក ឆាយ គឹមខឿន អគ្គ​ស្នងការរង​នគរ​បាលជាតិ និង​ជាអ្នកនាំពាក្យ​ បានបញ្ជាក់ប្រាប់ [ខ្លីៗ] មុននេះ​បន្តិច​ថា សមត្ថកិច្ចពាក់​ព័ន្ធកំពុង​តែខំប្រឹងរក ហើយមក​ដល់ពេលនេះ​សាកសព​អណ្តែត​ក៏អត់ឃើញ​មាន។ «បងប្អូនកំពុង​តែរក ប៉ុន្តែ​មិនទាន់​មានរបាយការណ៍​ថា រកតម្រុយអ្វី​សង្ស័យឃើញ​នៅឡើយទេ»។

សូម​ជម្រាប​ថា នារីដែល​បាត់ខ្លួន មានឈ្មោះ BAMBRIDGE AMELIA LOUISE (ឬ Amelia Bambridge) កើតថ្ងៃទី១៤ ខែកក្កដា ឆ្នាំ១៩៩៨ សញ្ជាតិ​អង់គ្លេស កាន់លិខិតឆ្លងដែនលេខ ៥៣១៨៩០៨៣៣ បានចេញពី​ក្រុងព្រះសីហនុ ឆ្ពោះទៅគោលដៅក្រុង​កោះរ៉ុង នៅម៉ោង​៥:០០ល្ងាច ថ្ងៃទី១៩ ខែតុលា ឆ្នាំ២០១៩ មកដល់​កោះរ៉ុងនៅម៉ោង៦:០០ល្ងាច។ នាងបាន​ចូលស្នាក់​នៅផ្ទះសំណាក់ Ness Beach នៅម៉ោង៨:១៥នាទី​យប់ ថ្ងៃខែឆ្នាំ​ដដែលក្នុងគោលបំណង​ទេសចរណ៍។

មុនបាត់ខ្លួនគេបានប្រទះឃើញ​នារីនោះលើកចុងក្រោយ​នៅម៉ោង៣:៣០នាទីទៀបភ្លឺ ឈានចូលថ្ងៃទី២៤ ខែតុលា ឆ្នាំ២០១៩ ក្នុងពិធីជប់លៀង​មួយនៅឆ្នេរកោះរ៉ុង (Police Beach) ក្រោយមកក៏បាត់​ដំណឹងតែម្តង។ សមត្ថកិច្ចមូលដ្ឋាន​បានរកឃើញ​កាបូប និងសម្ភារៈមួយចំនួន​របស់នាង​នៅលើផ្ទាំងថ្ម​ជាប់ឆ្នេរ​ក្បែរកន្លែង​ធ្វើពិធីជប់លៀង​នោះផងដែរ។ ករណីនេះ អាជ្ញាធរក្រុងកោះរ៉ុង បានព្យាយាម​ស្វែងរកនារីរងគ្រោះ​ក្រោយទទួលដំណឹងភ្លាមៗពី​ការបាត់ខ្លួននេះ៕

ចុចអាន៖ មុន​បាត់ខ្លួន! នារី​អង់គ្លេស បាន​ប្រាប់​ប្អូនស្រី​ខ្លួន​អំពី​អារម្មណ៍​ពិត​ ពេល​ចូលរួម​ជប់លៀង​នៅកោះរ៉ុង

អត្ថបទ៖ សោភា

;