កងទ័ពចិន និងឥណ្ឌា ប៉ះទង្គិចគ្នា នៅតំបន់ព្រំដែនហិមាល័យ

2017-08-17 01:30:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ទាហានចិន និងឥណ្ឌា បានប៉ះទង្គិចគ្នានៅតំបន់ព្រំដែនហិមាល័យ ក្នុងខណៈពេលដែលកងទ័ពទាំង២ បានប្រឈមមុខដាក់គ្នាជាងប៉ុន្មានខែមកនេះ។

មន្រ្តីក្រសួងការពារជាតិឥណ្ឌាម្នាក់ អះអាងថា កងទ័ពចិន បានគប់ដុំថ្មទៅលើកងទ័ពឥណ្ឌា នៅជិតបឹង Pangong កាលពីថ្ងៃទី១៥សីហា និងបានព្យាយាមចូលក្នុងទឹកដីឥណ្ឌា ប៉ុន្តែត្រូវបានកងទ័ពឥណ្ឌា រុញច្រានមកវិញ។ ទោះជាយ៉ាងណា ភា្លមៗនោះ ស្ថានការណ៍ត្រូវគ្រប់គ្រងបាន ក្រោយកងទ័ពទាំង២ ដកថយទៅកាន់ទីតាំងដើមរបស់ខ្លួនវិញ។

ក្រុងប៉េកាំងអះអាងថា ទាហានរបស់ខ្លួនគឺស្ថិតក្នុងទឹកដីរបស់ចិន និងបានជំរុញឲ្យឥណ្ឌា ដកកងទ័ព និងឧបករណ៍សឹក ចេញពីទឹកដីរបស់ចិន ដោយគ្មានលក្ខខណ្ឌ។

ការប្រឈមមុខដាក់គ្នានេះ កើតឡើងតាំងពីខែមិថុនា នៅពេលដែលទាហានចិន ចាប់ផ្តើមការដ្ឋានពង្រីកផ្លូវឆ្លងកាត់តំបន់ Doklam ឬ Donglang។ បន្ទាប់មកឥណ្ឌា ក៏បានបញ្ជូនទ័ពមកបញ្ឈប់សកម្មភាពរបស់ចិន ដែលធ្វើឲ្យក្រុងប៉េកាំងចោទឥណ្ឌាថា បានចូលក្នុងទឹកដីរបស់ខ្លួន៕

ប្រភព៖ theguardian ប្រែសម្រួល៖ សំភី