ក្រោយពីឈ្នះកម្ពុជា ៧-០ ហ្សកដានីប្រកួត៦ដង ឈ្នះតែម្ដងគត់នៅក្រៅដី

2017-11-13 08:46:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបាល់ទាត់ជម្រើសជាតិហ្សកដានី នឹងប្រកួតជាលើកទីពីរ ទល់នឹងក្រុមម្ចាស់ផ្ទះកម្ពុជា ក្នុងវគ្គជម្រុះពានរង្វាន់ AFC Asian Cup 2019 ពូល C នៅពហុកីឡដ្ឋានជាតិ នាថ្ងៃទី១៤ ខែវិច្ឆិកា ឆ្នាំ២០១៧ វេលាម៉ោង ៦:៣០ នាទីល្ងាច បន្ទាប់ពីក្រុមទាំងពីរជួបគ្នាលើកទីមួយ ហ្សកដានី បានយកឈ្នះកម្ពុជា ក្នុងទឹកដីរបស់ខ្លួន ដោយលទ្ធផល ៧-០ កាលពីខែមីនាកន្លងទៅ។

ក្រុមហ្សកដានី

ក្រោយពីជំនួបជាមួយកម្ពុជារហូតមកទល់ពេលនេះ ក្រុមហ្សកដានីធ្លាប់ធ្វើការប្រកួតបានចំនួន ៦លើក ក្នុងនោះ ឈ្នះ១ ស្មើ៤ និងចាញ់១។ ជ័យជម្នះ ១លើកនោះ គឺជួបក្រុមអាហ្វហ្គានីស្ថាន ៤-១ នៅវគ្គជម្រុះ AFC Asian Cup ហើយចាញ់១ប្រកួតដោយថ្វីជើងក្រុមអ៊ីរ៉ាក់ ដោយលទ្ធផល ១-០ ក្នុងជំនួបមិត្តភាពអន្តរជាតិ។

ស្របពេលដែលការប្រកួតថ្ងៃស្អែក ជាជំនួបដែលធ្វើឡើងនៅទឹកដីរបស់កម្ពុជា ក្រុមហ្សកដានី ហាក់ធ្វើពុំសូវបានល្អឡើយ ក្នុងការលេងនៅក្រៅទឹកដីរបស់ខ្លួន នៅប៉ុន្មានប្រកួតកន្លងទៅ។ ក្នុង ៦ប្រកួតនោះ គឺ ហ្សកដានី លេងក្រៅដី ៥ប្រកួត (ស្មើ៤ ចាញ់១) ហើយរកបានតែ ៣គ្រាប់ប៉ុណ្ណោះ។

ដោយឡែក ក្រុមជម្រើសជាតិកម្ពុជាវិញ ក្រោយចាញ់ហ្សកដានី ៧គ្រាប់ បានបន្តចាញ់ឥណ្ឌូណេស៊ី ក្នុងជំនួបមិត្តភាពអន្តរជាតិ មុនយកឈ្នះអាហ្វហ្គានីស្ថាន ១-០ នៅជម្រុះ AFC Asian Cup រួចបន្តចាញ់ វៀតណាមចំនួន ២លើក ក្នុងនិងក្រៅដី ហើយប្រកួតចុងក្រោយចាញ់មីយ៉ាន់ម៉ា ១-២៕