អ្នកចាត់ការក្លឹប Terengganu បង្ហើបមូលហេតុ មុនសម្រេចយក ធារី ចន្ថាប៊ីន និង Kim Hyun Woo

2017-12-07 03:40:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Irfan Bakti Abu Salim អ្នកចាត់ការក្លឹបបាល់ទាត់ Terengganu FC បានប្រាប់ពីកត្តាមួយចំនួនរបស់ ធារី ចន្ថាប៊ីន និង Kim Hyun Woo អតីតកីឡាករក្លឹបភ្នំពេញក្រោន ដែលធ្វើឲ្យរូបលោកសម្រេចចិត្តនាំយករូបគេទៅជួយក្រុមនៅរដូវកាលក្រោយ ក្នុងលីគកំពូលម៉ាឡេស៊ី។ នេះបើតាមការរៀបរាប់លើគណនីហ្វេសប៊ុក ឈ្មោះ Revolusi Terengganu FA កាលពីថ្ងៃទី៦ ខែធ្នូ ឆ្នាំ២០១៧។

លោក Irfan Bakti Abu Salim

អ្នកចាត់ការវ័យ ៦៦ឆ្នាំ សញ្ជាតិម៉ាឡេស៊ីដដែល បានបង្ហើបថា៖ ***«ខ្ញុំបានឃើញការលេងរបស់គេ (Hyun Woo) ហើយរូបគេពិតជាសក្ដិសមសម្រាប់ចង្វាក់នៃការលេងរបស់ពួកយើង (Terengganu FC)»***។

Kim Hyun Woo (ស្ដាំ)

លោកបន្តថា៖ «ធារី ជាកីឡាករពោរពេញដោយបទពិសោធ ជាពិសេសគេជាប្រធានក្រុមជម្រើសជាតិកម្ពុជា។ រូបគេធ្វើបានល្អនៅតំបន់ការពារ និងបម្រើការពារ»។

ធារី ចន្ថាប៊ីន និងអ្នកគាំទ្រកម្ពុជា

ទាក់ទងនឹងការជ្រើសរើសកីឡាករនិមួយៗ លោក Irfan ក៏បានប្រាប់ផងដែរថា លោកមិនជ្រើសរើសកីឡាករដែលលេងនៅក្រុមខ្លាំងស្រាប់នោះទេ តែលោកផ្ដោតលើសមត្ថភាពរបស់កីឡាករម្នាក់ៗជាង ហើយ ធារី ជាកីឡាករម្នាក់ដែលទទួលបានការគាំទ្រយ៉ាងខ្លាំងក្លា ពីសំណាក់អ្នកគាំទ្រកម្ពុជា។

Terengganu FC បានចាប់ផ្ដើមហ្វឹកហាត់ត្រៀមសម្រាប់រដូវកាលថ្មី ចាប់តាំងពីថ្ងៃទី៥ ខែធ្នូ ឆ្នាំ២០១៧។ ចំណែក ធារី ចន្ថាប៊ីន បានបង្ហោះនៅលើបណ្ដាញសង្គមពីការចូលហ្វឹកហាត់ជាមួយមិត្តរួមក្រុមថ្មីរបស់ខ្លួន នៅថ្ងៃនេះផងដែរ។ រូបគេត្រូវរំពឹងថា នឹងពាក់អាវលេខ៨៕

អត្ថបទពាក់ព័ន្ធ

អត្ថបទ៖ លាភ.