កូរ៉េខាងត្បូង ឆ្លើយតបរឿងកូរ៉េខាងជើងចង់ចូលរួមអូឡាំពិកខែក្រោយ

2018-01-02 07:21:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋាភិបាលកូរ៉េខាងត្បូង បានអះអាងថា នឹងបង្កើតឲ្យមានជំនួបជាន់ខ្ពស់មួយជាមួយនឹងភាគីកូរ៉េខាងជើង នៅថ្ងៃទី០៩មករា អំពីការចូលរួមនៅក្នុងព្រឹត្តិការណ៍កីឡាអូឡាំពិករដូវរងាឆ្នាំ២០១៨។

ការឆ្លើយតបនេះ ធ្វើឡើងបន្ទាប់ពីលោក Kim Jong-un មេដឹកនាំកូរ៉េខាងជើង និយាយកាលពីម្សិលមិញថា លោកកំពុងពិចារណាលើការបញ្ជូនប្រតិភូទៅកាន់ក្រុង Pyeongchang ប្រទេសកូរ៉េខាងត្បូង ដើម្បីចូលរួមកីឡាអូឡាំពិករដូវរងា ដែលនឹងប្រព្រឹត្តទៅនៅថ្ងៃទី០៩ កុម្ភៈ ២០១៨។ លោក Kim Jong-un ប្រាប់ថា ភាគីទាំងសងខាងគួរតែរៀបចំកិច្ចប្រជុំបន្ទាន់មួយអំពីភាពអាចទៅរួចនៃការចូលរួមរបស់កូរ៉េខាងជើង។

លោក Kim Jong-un

ទាក់ទងនឹងបញ្ហានេះ លោក Moon Jae-in ប្រធានាធិបតីកូរ៉េខាងត្បូង បានលើកឡើងនៅថ្ងៃទី២មករានេះថា នេះគឺជាឱកាសដ៏ល្អក្នុងការកាត់បន្ថយភាពតានតឹងរវាងប្រទេសទាំង២។ ចំណែករដ្ឋមន្ត្រីក្រសួងបង្រួបបង្រួមកូរ៉េខាងត្បូងលោក Cho Myoung-gyon បានស្នើយកថ្ងៃអង្គារសប្ដាហ៍ក្រោយឲ្យភាគីសងខាងបានជួបពិភាក្សាគ្នា នៅក្នុងតំបន់ Panmunjom។

លោក គីម ជុងអ៊ុន ថាតុលោក មានប៊ូតុងនុយក្លេអ៊ែរ

លោក Moon Jae-in

"យើងសង្ឃឹមថា កូរ៉េខាងត្បូង និងកូរ៉េខាងជើង អាចអង្គុយទល់មុខគ្នា ហើយពិភាក្សាអំពីការចូលរួមនៃប្រតិភូរបស់កូរ៉េខាងជើង ក្នុងកីឡាអូឡាំពិកក្រុង Pyeongchang ព្រមទាំងពិភាក្សាអំពីបញ្ហាដទៃទៀតរវាងភាគីទាំង២ ដើម្បីបង្កើនទំនាក់ទំនងអន្តរកូរ៉េ" លោក Cho បានថ្លែងយ៉ាងដូច្នេះ៕

ប្រភព៖ BBC ប្រែសម្រួល៖ ឈាង.