ធ្លាយដំណឹង លោកស្រី យីងឡាក់ ទទួលទិដ្ឋការ១០ឆ្នាំ ពីប្រទេស១ នៅអឺរ៉ុប

2018-05-29 02:25:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អតីតនាយករដ្ឋមន្ត្រីថៃ លោកស្រី យីងឡាក់ ស៊ីណាវ៉ាត់ត្រា ទទួលបានទិដ្ឋការ ១០ ឆ្នាំ ពីរដ្ឋាភិបាលចក្រភពអង់គ្លេស។ នេះបើតាមការចុះផ្សាយរបស់សារព័ត៌មាន BBC THAI កាលពីថ្ងៃទី២៨ ឧសភាម្សិលមិញ។

លោកស្រី យីងឡាក់

សារព័ត៌មានខាងលើ បានឲ្យដឹងទៀតថា៖ "លោកស្រី អាចធ្វើដំណើរដោយសេរី ចេញនិងចូលប្រទេសអង់គ្លេសគ្រប់ពេល តែត្រូវត្រឡប់មកវិញយ៉ាងហោចណាស់ ៦ ខែម្ដង"។

យ៉ាងណាមិញ មន្ត្រីអង់គ្លេស បានបដិសេធក្នុងការបំភ្លឺរឿងនេះ ដោយបានលើកឡើងពីសិទ្ធិឯកជនលើព័ត៌មានផ្ទាល់ខ្លួន។

គួរបញ្ជាក់ថា លោកស្រី យីងឡាក់ បានបាត់ខ្លួនពីប្រទេសថៃ ចាប់តាំងពីខែសីហា ឆ្នាំ២០១៧មកម៉្លេះ ដោយខកខានមិនបានចូលរួមស្ដាប់ការប្រកាសសាលដីការបស់តុលាការកំពូលថៃ។

លោកស្រី ត្រូវតុលាការចោទប្រកាន់ពាក់ព័ន្ធនឹងរឿងមិនប្រក្រតីក្នុងការទិញស្រូវមកស្ដុកទុក ដែលធ្វើឲ្យខាតបង់ថវិការដ្ឋយ៉ាងហោចណាស់ ៨ពាន់លានដុល្លារ។ កន្លងមក ធ្លាប់មានព័ត៌មានថាលោកស្រី កំពុងសម្ងំលាក់ខ្លួននៅប្រទេសអង់គ្លេស៕

អត្ថបទទាក់ទង៖

ប្រភព៖ Bangkokpost ប្រែសម្រួល៖ អឹុម ម៉េងស៊ាង