ប្រមុខរាជរដ្ឋាភិបាល តែងតាំងអភិបាលក្រុងសៀមរាបថ្មី

2018-11-13 05:04:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក នួន ពុទ្ធារ៉ា ត្រូវបានប្រមុខរាជរដ្ឋាភិបាល តែងតាំងជាអភិបាលក្រុងសៀមរាប ជំនួសលោក សូរ ប្លាតុង ដែលត្រូវផ្លាស់ទៅកាន់មុខតំណែងថ្មី ជាអភិបាលស្រុកប្រាសាទបាគង ជំនួសអភិបាលស្រុកចាស់ លោក ម៉ក់ សំភារ ដែលដល់អាយុចូលនិវត្តន៍។ នេះបើយោងតាមអនុក្រឹត្យលេខ១០២៣អនក្រ.តត ចុះថ្ងៃទី២ ខែវិច្ឆិកា ឆ្នាំ០១៨។

លោក នួន ពុទ្ធារ៉ា ថ្លែងក្នុងពិធីប្រកាសចូលកាន់តំណែងជាអភិបាលក្រុងសៀមរាប

សូមបញ្ជាក់ថា មុនក្លាយជាអភិបាលក្រុងសៀមរាបនាពេលនេះ លោក នួន ពុទ្ធារ៉ា គឺជានាយករដ្ឋបាលខេត្តសៀមរាប។

ពិធីប្រកាសចូលកាន់តំណែងអភិបាលក្រុងសៀមរាប និងអភិបាលស្រុកប្រាសាទបាគង ត្រូវបានធ្វើឡើងកាលពីព្រឹកថ្ងៃទី១២ ខែវិច្ឆិកា ឆ្នាំ២០១៨ ក្រោមអធិបតីភាពលោក ឃឹម ប៊ុនសុង អភិបាលខេត្តសៀមរាប។

អតីតអភិបាលក្រុងសៀមរាប លោក សូរ ប្លាតុង ថ្លែងក្នុងពិធីប្រកាសចូលកាន់តំណែងជាអភិបាលស្រុកប្រាសាទបាគង

ក្រោយទទួលបានការតែងតាំង លោក នួន ពុទ្ធារ៉ា បានប្តេជ្ញាថានឹងខិតខំបម្រើ និងផ្តល់សេវាសាធារណៈជូនប្រជាពលរដ្ឋឲ្យអស់ពីកម្លាំងកាយចិត្ត និងអនុវត្តទៅតាមបទបញ្ជា លិខិតបទដ្ឋានគតិយុត្តជាធរមាន។ ជាងនេះទៅទៀតលោកបានបន្តថានឹងរក្សា និងសាមគ្គីផ្ទៃក្នុងឲ្យកាន់តែស្អិតរមួតជាធ្លុងមួយដើម្បីបន្តការអភិវឌ្ឍក្រុងសៀមរាបន្ថែមទៀត៕

រូបភាព៖ រដ្ឋបាលខេត្តសៀមរាប

អត្ថបទ៖ សុខ សុវត្ថិ