ផ្លូវក្រាលកៅស៊ូ និងក្រួសក្រហម ជិត៨០០គីឡូម៉ែត្រនៅខេត្តព្រះវិហារ ត្រូវបានជួសជុលរួចរាល់ហើយ

2018-12-02 02:20:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ផ្លូវក្រាលកៅស៊ូ និងក្រាលក្រួសក្រហមចំនួន ២៩ខ្សែមានប្រវែងសរុប ៧៨៥គីឡូម៉ែត្រ នៅទូទាំងខេត្តព្រះវិហារ ត្រូវបានថែទាំ និងជួសជុលរួចរាល់ ១០០ភាគរយហើយ។ នេះបើតាមការប្រកាសឱ្យដឹងពីមន្ទីរសាធារណការ និងដឹកជញ្ជូនខេត្តព្រះវិហារ កាលពីថ្ងៃទី១ ខែធ្នូ ឆ្នាំ២០១៨។

ផ្លូវទាំងនេះ បានរងការខូចខាតដោយសារទឹកភ្លៀងជោគជាំក្នុងរដូវវស្សានាពេលកន្លងមក ហើយពេលនេះ ត្រូវបានមន្ទីរសាធារណការខេត្ត ធ្វើការថែទាំ និងជួសជុលរួចរាល់ ដើម្បីឱ្យប្រជាពលរដ្ឋងាយស្រួលក្នុងការធ្វើដំណើរ និងដឹកជញ្ជូនទំនិញ កសិផលទៅលក់នៅទីផ្សារ ជាពិសេសងាយស្រួល ក្នុងការធ្វើដំណើរបំពេញបេសកកម្មរបស់កងកម្លំាងនៅតាមព្រំដែន។

ក្រុមការងារមន្ទីរសាធារណការខេត្ត កំពុងជួសជុលផ្លូវក្រាលក្រួសក្រហម១ខ្សែក្នុងខេត្តព្រះវិហារ (រូបថត៖ ហ្វេសប៊ុកមន្ទីរសាធារណការខេត្តព្រះវិហារ)

ជាមួយគ្នានេះ មន្ទីរសាធារណការខេត្តក៏បានសុំអធ្យាស្រ័យពីសំណាក់ប្រជាពលរដ្ឋដែលដែលបានធ្វើដំណើរឆ្លងកាត់លើកំណាត់ផ្លូវខាងលើនាពេលកន្លងទៅ ហើយជួបការលំបាកក្នុងការធ្វើដំណើរលើកំណាត់ផ្លូវមួយចំនួន ដែលក្រុមការងារជួសជុល មានការយឺតយ៉ាវផងដែរ។

មន្ទីរសាធារណការ និងដឹកជញ្ជូនខេត្តព្រះវិហារ បញ្ជាក់ថា ខ្លួននៅតែបន្តយកចិត្តទុកដាក់ថែទាំផ្លូវទាំងអស់នេះ ដូចជាលុបស្នាមប្រេះ ស្រុត សម្អាតរុក្ខជាតិតាមដងផ្លូវ កៀរសម្រួលផ្លូវក្រួក្រហមជាដើម៕