វៀតណាម កំពុងបារម្ភរឿងទំនិញផលិតនៅចិន តែដាក់ថា «ផលិតនៅវៀតណាម»

2019-06-11 02:20:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

វៀតណាម នឹងដាក់ពិន័យកាន់តែធ្ងន់ធ្ងរជាងមុន លើអ្នកពាក់ព័ន្ធក្នុងការនាំទំនិញចិនចូលក្នុងប្រទេសវៀតណាម ហើយដាក់ឈ្មោះលើទំនិញនោះថា «ផលិតនៅវៀតណាម» សម្រាប់នាំចេញទៅសហរដ្ឋអាមេរិក ដើម្បីរួចពន្ធ ខណៈអាមេរិក និងចិន កំពុងមានសង្គ្រាមពាណិជ្ជកម្មរឿងដំឡើងពន្ធដាក់គ្នាទៅវិញទៅមក។ នេះបើតាមការប្រកាសរបស់រដ្ឋាភិបាលវៀតណាម នៅលើវេបសាយរបស់ខ្លួន កាលពីថ្ងៃទី៩ ខែមិថុនា ឆ្នាំ២០១៩។

ការប្រកាសនេះ ធ្វើឡើងបន្ទាប់ពីនាយកដ្ឋានគយវៀតណាម បានរកឃើញនូវវិញ្ញាបនបត្រក្លែងបន្លំរាប់សិប (ដាក់ឈ្មោះដូចក្នុងករណីខាងលើ) នៅលើផលិតផលចាប់ពីកសិកម្ម និងវាយនភណ្ឌ ដល់ផលិតផលដែកថែប និងអាលុយមីញ៉ូម។

ជាមួយគ្នានោះ នៅក្នុងការបង្ហោះរបស់រដ្ឋាភិបាលវៀតណាម ក៏បានលើកឡើងនូវការបារម្ភរបស់សមាជិកគណៈកម្មាធិការសេដ្ឋកិច្ចរបស់រដ្ឋសភាវៀតណាមម្នាក់ អំពីការដាក់ទណ្ឌកម្មរបស់អាមេរិក មកលើវៀតណាមផងដែរ ដែល បណ្តែតបណ្តោយឱ្យមានករណីខាងលើនេះកើតឡើង៕

អត្ថបទទាក់ទង៖ វៀតណាម ជាអ្នកឈ្នះធំបំផុតក្នុងសង្គ្រាមពាណិជ្ជកម្មរវាងចិន និងអាមេរិក

ប្រភព៖ Straits Times ប្រែសម្រួល៖ សំភី