អ៊ីរ៉ង់បង្អួតសព្វាវុធទំនើបៗ ហើយគំរាមអាមេរិកនៅឲ្យឆ្ងាយ

2019-09-25 02:51:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ថ្លែងក្នុងពិធីព្យុហយាត្រាយោធាមួយកាលពីថ្ងៃទី ២២ ខែកញ្ញា ឆ្នាំ២០១៩ ប្រធានាធិបតីអ៊ីរ៉ង់ លោក Hassan Rouhani បានប្រាប់កងកម្លាំងយោធាអាមេរិកឲ្យនៅឲ្យឆ្ងាយពីតំបន់ឈូងសមុទ្រពែក្ស (Persian Gulf)។ លោកបាននិយាយបែបនេះក្រោយពីសហរដ្ឋអាមេរិកប្រកាសបញ្ជូនកងកម្លាំងបន្ថែមទៅការពារប្រទេសអារ៉ាប៊ីសាអ៊ូឌីត។

អត្ថបទទាក់ទង៖

«គ្រប់ទីកន្លែងណាដែលអាម៉េរិកាំង ឬសត្រូវរបស់យើងផ្សេងទៀតទៅដល់ តែងតែមានបញ្ហាអសន្តិសុខកើតឡើង»។ លោកបាននិយាយបែបនេះហើយបន្តទៀតថា៖ «កាលណាអ្នក(អាមេរិក)នៅកាន់តែឆ្ងាយពីតំបន់របស់យើងនិងប្រទេសរបស់យើង សន្តិសុខនិងកើនឡើង»។

នៅក្នុងក្បួនព្យុហយាត្រានេះ អ៊ីរ៉ង់បានបង្ហាញអាវុធទំនើបៗមួយចំនួន ដូចជាប្រព័ន្ធការពារដែនអាកាស Khordad-3 ដែលបានបាញ់ទម្លាក់ដ្រូនរបស់អាមេរិកកាលពីខែមិថុនា។ អ៊ីរ៉ង់ក៏បានបង្ហាញមីស៊ីលថ្មីមួយដែលអាចវាយប្រហារមូលដ្ឋានយោធារបស់អាមេរិក និងអ៊ីស្រាអែលនៅក្នុងតំបន់មជ្ឈិមបូព៌ា។

គួរបញ្ជាក់ថាកាលពីថ្ងៃទី២០ ខែកញ្ញា ឆ្នាំ២០១៩ រដ្ឋមន្ត្រីការពារជាតិសហរដ្ឋអាមេរិក លោក Mike Esper និងមេបញ្ជាការយោធាសហរដ្ឋអាមេរិក លោកឧត្ដមសេនីយ៍ Joseph Dunford បានប្រកាសថាប្រធានាធិបតីសហរដ្ឋអាមេរិកលោក ដូណាល់ ត្រាំបានបញ្ជាឲ្យបញ្ជូនកម្លាំងយោធា ទៅការពារប្រទេសអារ៉ាប៊ីសាអ៊ូឌីត និងសហព័ន្ធអារ៉ាប់រួម(UAE)។ ការប្រកាសនេះគឺក្រោយសហរដ្ឋអាមេរិក និងអារ៉ាប៊ីសាអ៊ូឌីតបានសន្និដ្ឋានថាអ៊ីរ៉ង់គឺជាអ្នកវាយប្រហាររោងចក្រប្រេងអារ៉ាប៊ីសាអ៊ូឌីតកាលពីថ្ងៃទី១៤ ខែកញ្ញា ឆ្នាំ២០១៩៕

ចុចអានបន្ថែម៖