​បន្ទាប់​ពី​ខ្សែ​ប្រយុទ្ធ​វ័យ ២៤ ឆ្នាំ​សញ្ជាតិ​ជប៉ុន​ Takumi Minamino ​បាន​ក្លាយ​ជា​ កីឡាករ​អាស៊ី​ដំបូង​គេ ចុះ​កិច្ច​ព្រមព្រៀង​ជា​កីឡាករ​ក្លឹប​ហង្ស​ក្រហម Liverpool កាល​ពី​ពេល​ថ្មីៗ​។ ឥឡូវ​នេះ​មក​តាមដាន​មើល​ទីផ្សារ​កីឡាករ​ជប៉ុន​ទាំង ៨ រូប​នេះ​ក៏​បាន​លេច​ធ្លោ​ខ្លាំង​ដែរ​ក្នុង​ឆ្នាំ ២០១៩ ដោយ​ត្រូវ​បាន​ក្រុម​នៅ​លីគ​កំពូល​អឺរ៉ុប​ដណ្ដើម​គ្នា​ទិញ​ព្រោង​ព្រាត​ដូច​ជា៖

៨) កីឡាករ Takehiro Tomiyasu ២១ ឆ្នាំ ចូលលេងឲ្យក្លឹប Bologna នៅលីគកំពូលអ៊ីតាលី

៦) កីឡាករ Yukinari Sugawara ១៩ ឆ្នាំ ចូលលេងឲ្យក្លឹប AZ នៅលីគកំពូលហូឡង់

៥) កីឡាករ Ritsu Doan ២១ ចូលលេងឲ្យក្លឹប PSV នៅលីគកំពូលហូឡង់

៤) កីឡាករ Shoya Nakajima ២៥ ឆ្នាំ ចូលលេងឲ្យក្លឹប FC Porto នៅលីគកំពូលព័រទុយហ្គាល់

៣) កីឡាករ Takefusa Kubo ១៨ ឆ្នាំ ចូលលេងឲ្យក្លឹប Real Madrid នៅលីគកំពូលអេស្ប៉ាញ តែត្រូវបានដាក់ឲ្យខ្ជិជើងទៅក្លឹប Mallorca (អេស្ប៉ាញ)

២) កីឡាករ Hiroki Abe ២១ ឆ្នាំ ចូលលេងឲ្យក្លឹប FC Barcelona នៅលីគកំពូលអេស្ប៉ាញ តែត្រូវបានដាក់ឲ្យលេងនៅឈុត B

១) កីឡាករ Takumi Minamino (Taki) ២៤ ឆ្នាំ ចូលលេងឲ្យក្លឹប Liverpool នៅលីគកំពូលអង់គ្លេស ចាប់ពីខែមករា ឆ្នាំ ២០២០ ខាងមុខនេះ។

រំឮកដែរថា នៅឆ្នាំ ២០១៩ កីឡាករល្អៗជប៉ុនមានឪកាសបង្ហាញសមត្ថភាពនៅហូឡង់ច្រើនជាងគេ សូម្បីតែ Keisuke Honda វ័យ ៣៣ ឆ្នាំក៏កំពុងលេងឲ្យក្លឹប Vitesse នៅលីគកំពូលហូឡង់ផងដែរ៕