ម្ចាស់​សំណង់​អគារ៦ជាន់ ពីរនាក់​ប្តីប្រពន្ធ ត្រូវបាន​ឃុំខ្លួន​កាលពី​ថ្ងៃទី៦ ខែមករា ឆ្នាំ​២០២០ ពាក់ព័ន្ធ​ករណី​បាក់រលំអគារបណ្តាលឲ្យមនុស្ស៣៦នាក់ស្លាប់ និង២៣នាក់រងរបួសធ្ងន់ស្រាល កាលពីរសៀលថ្ងៃទី៣ ខែមករា។ អ្នកទាំងពីរជាប់ចោទបទបង្ករបួសស្នាម និង​មនុស្សឃាត​ដោយអចេតនា។

ជនត្រូវចោទទាំងពីរនាក់គឺឈ្មោះឯក សារុន (ប្តី)និងប្រពន្ធឈ្មោះ ឈីវ សុធី មាន​ទីលំនៅក្នុងខេត្តព្រះសីហនុ។

សូមជម្រាបថា ប្រតិបត្តិការនៃការរុករកជនរងគ្រោះនៅក្រោមគំនរបាក់បែកនៃអគាររលំក្នុងខេត្តកែប បានបិទបញ្ចប់ជាស្ថាពរត្រឹមម៉ោង ១១:៣៥នាទីថ្ងៃទី៥ ខែមករា ឆ្នាំ២០២០។ ជនរងគ្រោះដែលក្រុមការងារបានជួយសង្គ្រោះយកចេញពីគំនរបាក់បែកនៃអគាររលំ មានចំនួន ៥៩នាក់ (ស្រី ២២នាក់) ក្នុងនោះបាត់បង់ជីវិតចំនួន ៣៦នាក់ (ស្រី ១៤នាក់)៕

ចុចអាន៖

• សម្តេច ហ៊ុន សែន បញ្ជាក់រឿងការស្នើឱ្យ​ដកតំណែងអភិបាលខេត្តកែប

• សម្តេច ហ៊ុន សែន លើកឡើង​កំហុស ២​ចំណុច ដែល​បណ្តាលឱ្យអគារបាក់រលំ