អ្នកលេងបាល់រូបណា ទទួលបាន ចំណូលខ្ពស់ជាងគេប្រចាំឆ្នាំ?

2020-05-06 04:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

របាយការណ៍ចេញផ្សាយដោយកាសែតបារាំង Francefootball.fr នៅដើមខែមករា (ត្រីមាស១) ឆ្នាំ ២០២០ ចំណូលរបស់អត្ដពលិកទាំងអស់ក្នុងលោក ត្រូវបានគេទម្លាយឲ្យដឹង។

Messi និង Ronaldo ក្នុងកម្មវិធីប្រគល់ពាន UEFA Best Player 2019 /រូបតំណាង

ក្រៅពីកុងត្រា និងប្រាក់បន្ថែមដែលក្លឹបផ្តល់ឲ្យបូករួមទាំងកុងត្រា ដែលក្រុមហ៊ុនឧបត្ថម្ភបានចាយធ្វើជាអ្នកតំណាងផលិតផលល្បីៗ (Nike, Addidas ឬ PUMA ជាដើម) បានធ្វើឲ្យពួកគេជាប់ក្នុងបញ្ជី កីឡាករបាល់ទាត់ល្បីៗទាំងនេះ ត្រូវបានចាត់ថា ទទួលបានចំណូលខ្ពស់ជាងគេប្រចាំឆ្នាំ ២០១៩ ក៏មានឈ្មោះជាប់ Top10 ដូចមានរៀបរាប់ខាងក្រោមនេះ៖

១០) Antoine Griezmann

អតីតខ្សែប្រយុទ្ធឆ្នើមរបស់ក្លឹប Atletico Madrid បានផ្ទេរមកក្លឹប Barcelona ក្នុងឆ្នាំ ២០១៩ ក្នុងកុងត្រា ៥ ឆ្នាំតម្លៃ ១៣៥ លានដុល្លារ រហូតជាប់ក្នុងកំណត់ត្រាតម្លៃខ្លួនផ្ទេរខ្ពស់បំផុតរបស់ក្លឹប ក្នុងទីផ្សារដោះដូរកីឡាករ។

បន្ថែមលើនេះ គិតទាំងប្រាក់ឈ្នួលនិងប្រាក់ bonus គេទទួលបាន ២៧.៧ លានដុល្លារថែមទៀតក្នុងមួយឆ្នាំ។

៩) Oscar

កីឡាករឆ្នើមរបស់ប្រេស៊ីលរូបនេះ ផ្ទេរចេញពី Chelsea ទៅក្លឹប Shanghai SIPG នៅលីគកំពូលចិន កាលពីឆ្នាំ ២០១៦ ក្នុងតម្លៃ៦០លានផោន (ប្រមាណជា ៧៤ លានដុល្លារឯណោះ)។

បើគិតក្នុង១សប្ដាហ៍ជាមួយក្លឹបចិនថ្មី Oscar ទទួលបានដល់ ៤០ ម៉ឺនផោន។ បន្ថែមលើនេះ គិតទាំងប្រាក់ឈ្នួលនិងប្រាក់ bonus គេទទួលបាន ២៧ លានដុល្លារថែមទៀតក្នុងមួយឆ្នាំ។

៨) Mesut Ozil

ក្នុងក្រុមកាំភ្លើងធំ Arsenal កីឡាករដែលមានតម្លៃខ្លួនខ្ពស់ជាងគេគឺ Mesut Ozil កីឡាករអាល្លឺម៉ង់នេះហើយ។ បើគិតប្រាក់ឈ្នួលគឺ ៣០,២ លានដុល្លារ និងប្រាក់ bonus ពីក្លឹបប្រមាណជា ២៣ លានដុល្លារបន្ថែម។ បើចែកជា ១ សប្ដាហ៍វិញរកបានដល់ ៣៥០ ០០០ផោន(ប្រមាណជា ៤៣៥០០ ដុល្លារ)។

Ozil នៅមានកុងត្រាជាមួយផលិតផលម៉ាកយីហោដទៃទៀតដូចជា Adidas, Mercedes Benz និង Beats By Dre ទទួលបានប្រមាណ ៦,៥ លានដុល្លារថែមទៀត។

៧) Kylian Mbappe

កីឡាករវ័យក្មេងជាងគេ ក្នុងបញ្ជីនេះគឺ Kylian Mbappe ដោយទទួលបានប្រាក់ឈ្នួលពី PSG ប្រមាណជា ២៦,៦ លានដុល្លារក្នុងមួយឆ្នាំ និងប្រាក់ bonus ពីក្លឹបប្រមាណជា ៤ លានដុល្លារបន្ថែមសរុបគឺ ៣០,៦ លានដុល្លារ។

៦) Alexis Sanchez

កីឡាករសញ្ជាតិឈីលីរូបនេះ ត្បិតតែមិនសូវបានលេងលើទីលានច្រើនតែប្រាក់ bonus ពីក្លឹបប្រមាណជា ២៨ លានដុល្លាររួមទាំងផ្សេងៗទៀតពី Sponsor សរុបប្រមាណជា ២,៥ លានដុល្លារ។ ដូចនេះបើគិតប្រាក់ឈ្នួលសរុបគឺ ៣០,៨ លានដុល្លារ។

៥) Andres Iniesta

ខ្សែបម្រើឆ្នើមរូបនេះ រួមរស់ជាមួយក្លឹប Barcelona ជាង ២២ ឆ្នាំ។ ទោះជាមានវ័យ ៣៥ ឆ្នាំហើយក៏ដោយ ក្រោយផ្ទេរទៅលេងនៅជប៉ុនឆ្នាំ ២០១៩ ទទួលបានប្រាក់ bonus ពីក្លឹបប្រមាណជា ២,៥ លានដុល្លារថែមទៀត ដូចនេះចំណូលទទួលបានសរុបប្រមាណជា ៣២.៥ លានដុល្លារ។

៤) Paul Pogba

កីឡាករចំណាត់ថ្នាក់ទី ៤ មានប្រាក់ឈ្នួលខ្ពស់គឺ Pogba ហើយ។ ក្នុងក្រុម Manchester United កីឡាករដែលមានតម្លៃខ្លួនខ្ពស់ជាងគេក៏ជា Pogba ដែរដោយក្លឹបបិសាចក្រហម ផ្តល់ឲ្យរូបគេប្រមាណជា ២៩ លានដុល្លារនិងប្រាក់ bonus ពីក្លឹបប្រមាណជា ៤ លានដុល្លារ សរុបជាង ៣៣ លានដុល្លារ។

៣) Neymar Jr.

នរណាក៏ដឹងថា ខ្សែប្រយុទ្ធឆ្នើមប្រេស៊ីលរូបនេះ ក្លាយជាឧកញ៉ាទៅហើយ។ (ហេហេ) តម្លៃខ្លួនផ្ទេររនៅឆ្នាំ ២០១៧ ពី Barcelona ទៅ PSG ក្នុងកុងត្រា ៥ ឆ្នាំគឺជាង ២០០ លានដុល្លារឯណោះ ជាប់កំណត់ត្រាផ្ទេរថ្លៃបំផុត ក្នុងប្រវត្តិសាស្ត្របាល់ទាត់។

ក្លឹប PSG ផ្តល់ ៧៥ លានដុល្លារក្នុងមួយឆ្នាំឲ្យរូបគេ ជាមួយនិងប្រាក់ bonus ពីក្លឹបប្រមាណជា ៣០ លានដុល្លារ សរុបជាង ១០៥ លានដុល្លារ ជាប់កីឡាករមានប្រាក់ឈ្នួលខ្ពស់បំផុតនៅ PSG ផងដែរ។

២) Cristiano Ronaldo

កីឡាករឆ្នើមដែលសារព័ត៌មានចុះផ្សាយមិនដែលដាច់រូបនេះ បើគិតតែមួយជុំតួខ្លួនរបស់គេ គឺសុទ្ធតែចំណូល(លុយ) ដោយក្រុមហ៊ុននានាបានចុះកុងត្រាឲ្យរូបគេធ្វើជា តំណាង ដោយទទួលបានកំរៃជាង (៤៤ លានដុល្លារ) ដូចជា Nike, Altice, DAZN, MTG និង EA ជាដើម។ សូម្បីតែចំណូលពី Instagram ក៏ខ្ពស់ជាងគេដែរ។

ក្រោយផ្ទេរពី Real Madrid ទៅ Juventus ឆ្នាំ ២០១៨ តម្លៃខ្លួនជាង ១០០ លានដុល្លារ។ បច្ចុប្បន្នក្លឹបផ្តល់ជូនជាង ៦៥ លានដុល្លារ ដូចនេះសរុបរូបគេទទួលបានក្នងមួយឆ្នាំជាង ១១០ លានដុល្លារឯណោះ។

១) Lionel Messi

ត្បិតថា មិនបានផ្ទេរទៅក្លឹបណាក៏ដោយ តែកីឡាករឆ្នើមអាហ្សង់ទីនរូបនេះ ជាប់ទាំងក្នុងបញ្ជី កីឡាករមានប្រាក់ឈ្នួលខ្ពស់ជាងគេ(លេខ១) និងបញ្ជីអត្ដពលិក មានប្រាក់ឈ្នួលខ្ពស់ទាំង ១០ ផងដែរ (ឈរលេខ ៣)។

ក្លឹប Barcelona ចុះកុងត្រាពិសេសឲ្យរូបគេ និងផ្តល់ជូនប្រាក់ឈ្នួលប្រមាណ ៩២ លានដុល្លារជាមួយនិងប្រាក់ bonus ពីក្លឹបនិងប្រាក់ពី Sponsor ដូចជា Adidas, Pepsi, Gatorade, Mastercard ទទួលបានប្រមាណជា ៣៥ លានដុល្លារ ដូចនេះសរុបគឺ ១២៧ លានដុល្លារក្នុងមួយឆ្នាំ៕

អត្ថបទពាក់ព័ន្ធ៖

ប្រភព៖ France24 ប្រែសម្រួល៖ រក្សា