បើ​មាន​បញ្ហា​សម្រេចកាម​លឿន​ជាង​១​នាទី គួរ​អាន​អត្ថបទ​នេះ!

  • 2020-10-07 06:03:35
  • ចំនួនមតិ 0 | ចំនួនចែករំលែក 0

ចន្លោះមិនឃើញ


យោង​តាម​ការ​សិក្សា​មួយ​​នៅ​ក្នុង​ឆ្នាំ​២០០៥ ដែល​ពិសោធន៍​លើ​មនុស្ស​មក​​ពី​ប្រទេស​ចំនួន​៥ បាន​បង្ហាញ​ថា ការ​សម្រេច​កាម​នៅ​ពេល​​រួមភេទ​ម្ដង​រវាង​ដៃគូ​​ជាទូទៅ​មាន​រយៈពេល​ប្រមាណ​ពី ៥ ទៅ ៦​នាទី។ យ៉ាង​ណា​មិញ បើ​រឿង​នេះ​មាន​រយៈពេល​តិច​ជាង​១នាទី នោះ​​វា​បង្ហាញ​ថា​អ្នក​កំពុង​កើត​មាន​បញ្ហា "ឆាប់​ចេញ​ទឹក​កាម" ហើយ ដែល​ភាសា​​បរទេស​​គេ​ហៅ​ថា "Premature Ejaculation"។

មាន​កត្តា​ធំៗ​ចំនួន​២ ដែល​បណ្ដាល​ឲ្យ​អ្នក​កើត​មាន​បញ្ហា​ឆាប់​ចេញ​ទឹក​កាម។ នោះ​គឺ​កត្តា​រាងកាយ និង​កត្តា​ផ្លូវ​ចិត្ត។ កត្តា​រាងកាយ​កើត​ឡើង​ពាក់ព័ន្ធ​​ទៅ​នឹង​បញ្ហា​​ក្រពេញ​ប្រូស្ដាត បញ្ហា​ក្រពេញ​​ទីរ៉ូអ៊ីត និង​ការ​ប្រើប្រាស់​​ថ្នាំ​​សប្បាយ ជា​ដើម។ ដោយ​ឡែក​ កត្តា​ផ្លូវ​ចិត្ត​វិញ​បណ្ដាល​មក​ពី​ការ​កើត​ទុក្ខ អារម្មណ៍​ធុញថប់ បញ្ហា​ទំនាក់ទំនង​រវាង​​ដៃគូ និង​​ការ​មាន​អារម្មណ៍​ញាប់ញ័រ​ខ្លាំង​នៅ​ពេល​រួម​ភេទ។

ការ​ឆាប់​ចេញ​ទឹក​កាម​រមែង​កើត​ឡើង​ចំពោះ​បុរសៗ​ដែល​ទើប​នឹង​ប្រឡូក​​រឿង​​ផ្លូវ​ភេទ ប៉ុន្តែ​​បើ​ឧស្សាហ៍​ធ្វើ​រឿង​នេះ​ហើយ នៅ​តែ​​សម្រេច​កាម​លឿន​ទៀត ​នោះ​​ទើប​ជា​បញ្ហា​ដែល​គួរ​ស្វែង​រក​ដំណោះស្រាយ។ ក្នុង​ករណី​វា​ជា​បញ្ហា​បណ្ដាល​មក​ពី​កត្តា​ផ្លូវ​ចិត្ត អ្នក​អាច​ព្យាយាម​ដោះស្រាយ​ដោយ​ខ្លួន​ឯង​បាន។ ចំណែក​​បើ​មក​ពី​កត្តា​រាងកាយ អ្នក​គួរ​គប្បី​ទៅ​​ពិភាក្សា​ជាមួយ​​គ្រូ​ពេទ្យ​ជំនាញ៕

អាន​បន្ថែម៖

ប្រភព៖ nhs.uk ប្រែ​សម្រួល៖ ឈាង.

;