នេះឈ្មោះអាជ្ញាកណ្ដាលស្រីដំបូងគេ នឹងកាត់ក្ដីប្រកួតប្រុសៗពាន UCL ពេលJuventus ប៉ះ Dynamo

2020-12-01 03:45:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកស្រី Stephanie Frappart សញ្ជាតិបារាំង កាន់តួនាទីជាអាជ្ញាកណ្ដាលលើទីលាន នឹងចារឈ្មោះក្នុងប្រវត្តិសាស្ត្របាល់ទាត់ ដោយក្លាយជា មនុស្សស្រីដំបូងបំផុត ដែលមានសិទ្ធកាត់ក្ដីក្នុងការប្រកួតបាល់ទាត់ប្រុសៗក្នុងពានអឺរ៉ុប UEFA Champions League បន្ទាប់ពីឃើញមានឈ្មោះ ក្នុងជំនួបវគ្គសន្សំពិន្ទុក្នុងពូលជុំទី ៥ នឹងធ្វើនៅថ្ងៃពុធទី ២ ខែឆ្នូឆ្នាំ ២០២០ រវាង Juventus និង Dynamo Kiev ក្នុងទឹកដី Torin អ៊ីតាលី។

លោកស្រី Stephanie Frappart

លោកស្រី ក៏ធ្លាប់បង្ហាញខ្លួនម្ដងដែរនៅឆ្នាំ ២០១៩ វគ្គផ្តាច់ព្រ័ត្រពានរង្វាន់ UEFA Super Cup កាលនោះ Liverpool ឈ្នះបាល់ប៉េណាល់ទីកាត់សេចក្តី ៥-៤ លើ Chelsea នៅទឹកដីកីឡដ្ឋាន Vodafone Arena ប្រទេសតួកគី។ លោកស្រីវ័យ ៣៦ឆ្នាំដដែលក៏ធ្លាប់ធ្វើជាអ្នកកាត់ក្តីលើទីលានក្នុងការប្រកួតបាល់ទាត់ប្រុសៗដទៃទៀតដែរដូចជា៖ ពានលីគ Ligue 2, Ligue 1, UEFA Europa League និងការប្រកួតពានអន្តរជាតិផ្នែកបុរសដទៃទៀត។

ដោយឡែក មនុស្សស្រីម្នាក់ទៀត ដែលមានសិទ្ធកាត់ក្ដីក្នុងការប្រកួតបាល់ទាត់ពានអន្តរជាតិផ្នែកបុរសដំបូងគេគឺ លោកស្រី Nicole Petignat សញ្ជាតិស្វីស ដែលកាលនោះ មានតួនាទីជាអាជ្ញាកណ្ដាលលើទីលានក្នុងវគ្គជម្រុះពាន UEFA Euro ចន្លោះឆ្នាំ ២០០៤ ដល់ ២០០៩ ៕