ក្រោយរត់គេចខ្លួនចេញពីក្រុមតាលីបង់ ប្រធានាធិបតីអាហ្វហ្គានីស្ថាន និយាយអ្វីខ្លះ?

2021-08-16 02:22:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បន្ទាប់ពីរត់គេចខ្លួនទៅក្រៅប្រទេស (តាជីគីស្ថាន) នៅថ្ងៃទី១៥ ខែសីហា ឆ្នាំ២០២១ ប្រធានាធិបតីអាហ្វហ្គានីស្ថាន លោក Ashraf Ghani បានអះអាងថា លោកនៅតែបន្តបម្រើជាតិ ទោះជាលោកមិននៅក្នុងប្រទេសក៏ដោយ ហើយថាការសម្រេចចិត្តចាកចេញគឺជាជម្រើសដ៏លំបាក។

លោកបានសរសេរនៅលើទំព័រហ្វេសប៊ុកយ៉ាងដូច្នេះថា៖ «ខ្ញុំនឹងនៅតែបន្តបម្រើជាតិរបស់ខ្ញុំ តាមរយៈការផ្តល់គំនិត និងកម្មវិធីនានា។ ថ្ងៃនេះ (១៥សីហា) ខ្ញុំបានធ្វើការជ្រើសរើសដ៏លំបាក រវាងការប្រឈមមុខនឹងក្រុមតាលីបង់ដែលចង់ចូលកាន់កាប់វិមាន ឬចាកចេញពីប្រទេសជាទីស្រឡាញ់ដែលខ្ញុំបូជាជីវិតដើម្បីការពារ និងថែរក្សារយៈពេល ២០ឆ្នាំ»។

លោកបន្តថា៖ «ក្រុមតាលីបង់ បានកំណត់គោលដៅទម្លាក់ខ្ញុំចេញពីតំណែង ដោយពួកគេបានវាយប្រហារក្រុងកាប៊ុលទាំងមូល និងប្រជាជនក្រុងកាប៊ុល។ ដើម្បីចៀសវាងការបង្ហូរឈាម ជម្រើសដ៏ល្អបំផុត គឺមានតែការចាកចេញប៉ុណ្ណោះ»៕

ប្រភព៖ CNN