លោក Duterte មិនត្រូវបានអញ្ជើញឲ្យចូលរួមកិច្ចប្រជុំ G20ឡើយ

2017-07-12 04:33:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីហ្វីលីពីន លោក Rodrigo Duterte មិនត្រូវបានរដ្ឋាភិបាលអាល្លឺម៉ង់ អញ្ជើញឲ្យចូលរួមក្នុងកិច្ចប្រជុំកំពូល G20 កាលពីសប្តាហ៍មុនឡើយ បើទោះបីលោក ជាប្រធានអាស៊ានឆ្នាំ២០១៧នេះក៏ដោយ។

កន្លងមកប្រទេសដែលជាប្រធានអាស៊ាន តែងតែត្រូវបានអញ្ជើញឲ្យចូលរួមក្នុងកិច្ចប្រជុំ G20 តួយ៉ាងដូចជា ប្រធានាធិបតីឡាវ លោក Bounnhang Vorachith ប្រធានអាស៊ានឆ្នាំ២០១៦ និងនាយករដ្ឋមន្រ្តីម៉ាឡេស៊ី លោក Najib Razak ប្រធានអាស៊ានឆ្នាំ២០១៥ គឺសុទ្ធតែត្រូវបានអញ្ជើញឲ្យចូលរួមក្នុងកិច្ចប្រជុំកំពូលនេះ។

មេដឹកនាំពិភពលោក ចូលរួមកិច្ចប្រជុំកំពូល G20 ឆ្នាំ២០១៧ នៅក្រុង Hamburg ប្រទេសអាល្លឺម៉ង់

លោក Ernesto Abella អ្នកនាំពាក្យប្រធានាធិបតីហ្វីលីពីន បានអះអាងថា លោក Duterte មិនត្រូវការ ការអញ្ជើញនេះទេ។ របៀបនៃការដឹកនាំហ្វីលីពីន របស់ លោក Duterte គឺមិនស្វែងរកការគាំទ្រពីប្រទេសណានោះទេ។

គួររម្លឹកដែរថា លោក Duterte បានរិះគន់សហភាពអឺរ៉ុប ដែលចោទប្រកាន់ហ្វីលីពីនថា បំពានសិទ្ធិមនុស្ស ក្នុងសង្គ្រាមប្រឆាំងគ្រឿងញៀនរបស់លោក៕

ប្រភព៖ AA ប្រែសម្រួល៖ សំភី