វិបសាយម៉ាឡេស៊ី ជាច្រើនត្រូវបាន hack ក្រោយដាក់រូបទង់ជាតិឥណ្ឌូណេស៊ីដាំក្បាលចុះ

2017-08-21 09:35:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Hacker ឥណ្ឌូណេស៊ី អះអាងនៅថ្ងៃទី២១សីហានេះថា ខ្លួនបានវាយប្រហារវិបសាយម៉ាឡេស៊ីជាច្រើន ក្រោយឃើញរូបទង់ជាតិឥណ្ឌូណេស៊ីដាំក្បាលចុះ នៅក្នុងសៀវភៅស៊ីហ្គេម។

សៀវភៅស្តីពីកីឡាស៊ីហ្គេម ត្រូវបានចែកជូនអ្នកចូលរួម នៅថ្ងៃបើកព្រឹត្តិការណ៍កីឡាស៊ីហ្គេម ឆ្នាំ២០១៧ កាលពីថ្ងៃទី១៩សីហា ក្នុងទីក្រុងគូឡាឡាពួ ដោយក្នុងសៀវភៅនោះ បានបង្ហាញពីរូបទង់ជាតិឥណ្ឌូណេស៊ី បញ្ច្រាស់ បណ្តាលឲ្យផ្ទុះកំហឹងដល់ប្រជាជនឥណ្ឌូណេស៊ី ហើយលោកប្រធានាធិបតី ចូកូ វីដូដូ ក៏បានទាមទារឲ្យម៉ាឡេស៊ី សុំទោសផងដែរ។

វិបសាយដែលរងការ hack បានចេញរូបទង់ជាតិឥណ្ឌូណេស៊ី ដែលមានពណ៌ក្រហម និង ស និងសរសេរថា «ទង់ជាតិខ្ញុំ គឺមិនមែនជារបស់លេងសើចទេ»។ យ៉ាងហោចណាស់ វិបសាយ ២៧ បានរងផលប៉ះពាល់ ភាគច្រើនជារបស់ក្រុមហ៊ុនឯកជន។

ទង់ជាតិឥណ្ឌូណេស៊ី

រដ្ឋមន្រ្តីកីឡាម៉ាឡេស៊ី លោក Khairy Jamaluddin បានចេញមុខសុំទោស ដល់ប្រជាជនឥណ្ឌូណេស៊ីរួចមកហើយដែរ ដោយលោកលើកឡើងថា នេះជាកំហុសបច្ចេកទេស មិនមែនជាគោលបំណងណាមួយឡើយ៕

អត្ថបទទាក់ទង៖ រឿងដាក់រូបទង់ជាតិឥណ្ឌូណេស៊ី ដាំក្បាលចុះ ម៉ាឡេស៊ី ចេញមុខសុំទោសហើយ

ប្រភព៖ BBC ប្រែសម្រួល៖ សំភី