គណបក្សសង្រ្គោះជាតិ ថ្កោលទោសចំពោះសេចក្ដីសម្រេចរបស់តុលាការកំពូល

2017-11-16 13:52:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គណបក្សសង្រ្គោះជាតិ បានចេញសេចក្ដីថ្លែងការណ៍ ថ្កោលទោសចំពោះសេចក្ដីសម្រេចរបស់តុលាការកំពូល ដែលបានរំលាយគណបក្សសង្រ្គោះជាតិ នាថ្ងៃទី១៦ ខែវិច្ឆិកានេះ។

គណបក្សសង្គ្រោះជាតិ បានលើកហេតុផលមួយចំនួន ដូចជាថាការសម្រេចនេះ ធ្វើឡើងដោយមានចរិតនយោបាយ ក្រោមការគាបសង្កត់ និងតាមបំណងគណបក្សកាន់អំណាច រំលោភបំពាន ឆន្ទៈប្រជាពលរដ្ឋខ្មែរ និងបំផ្លាញគោលការណ៍លទ្ធិប្រជាធិបតេយ្យ សេរី ពហុបក្សជាដើម។

នៅក្នុងសេចក្ដីថ្លែងការណ៍ដដែល គណបក្សសង្រ្គោះជាតិ បានប្រកាសមិនទទួលស្គាល់សេចក្ដីសម្រេចរបស់តុលាការកំពូល ព្រមទាំងបានអំពាវនាវឲ្យសហគមន៍អន្តរជាតិចាត់វិធានការ ឲ្យមានការដោះលែងលោក កឹម សុខា ប្រធានគណបក្សសង្រ្គោះជាតិផងដែរ។

គណបក្សសង្រ្គោះជាតិ អំឡុងពេលឃោសនាបោះឆ្នោតឃុំសង្កាត់ កាលពីខែមិថុនាកន្លងទៅ

គួរបញ្ជាក់ផងដែរថា តុលាការកំពូលបានសម្រេចរំលាយគណបក្សសង្គ្រោះជាតិ និងផ្អាកសកម្មភាពនយោបាយថ្នាក់ដឹកនាំគណបក្សសង្គ្រោះជាតិ ចំនួន១១៨រូប រយៈពេល ៥ឆ្នាំ នាថ្ងៃទី១៦ ខែវិច្ឆិកានេះ បន្ទាប់ពីទទួលពាក្យបណ្ដឹងពីក្រសួងមហាផ្ទៃ ដែលបានប្តឹងរំលាយគណបក្សសង្គ្រោះជាតិ ពីបទពាក់ព័ន្ធករណីរៀបចំផែនការឃុបឃិតជាសម្ងាត់ជាមួយបរទេស ក្នុងការផ្តួលរំលំរាជរដ្ឋាភិបាលស្របច្បាប់។ សម្ដេចនាយករដ្ឋមន្រ្ដី ហ៊ុន សែន បានថ្លែងសារ គាំទ្រសេចក្ដីសម្រេចនោះ ព្រមទាំងបានអំពាវនាវឲ្យមេឃុំ ចៅសង្កាត់ ជំទប់ ក្រុមប្រឹក្សាឃុំសង្កាត់ ក្រុងស្រុកខណ្ឌ ខណ្ឌ រាជធានី របស់គណបក្សសង្រ្គោះជាតិ ចូលរួមជាមួយគណបក្សប្រជាជនកម្ពុជាផងដែរ៕