លោក Elon Musk កំពុងនៅក្នុងប្រទេសថៃ ជាមួយនឹងនាវាមុជទឹកទំហំតូច

2018-07-10 01:12:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នាយកប្រតិបត្តិក្រុមហ៊ុន Tesla លោក Elon Musk បានសរសេរនៅក្នុងបណ្ដាញសង្គមTwitter ផ្ទាល់ខ្លួនរបស់លោក កាលពីព្រលឹមថ្ងៃទី១០ កក្កដានេះថា លោកកំពុងនៅក្នុងប្រទេសថៃ ជាមួយនឹងនាវាមុជទឹកទំហំតូច។

លោក Elon ថ្លែងនាពេលកន្លងមក។ រូបថត៖ Reuters

លោក Elon បានបញ្ជាក់ដូច្នេះថា «ទើបតែត្រឡប់មកពីល្អាងភ្នំទី៣។ នាវាមុជទឹកទំហំតូច គឺត្រៀមរួចជាស្រេច បើសិនជាត្រូវការប្រើប្រាស់។ នាវាតូចនេះ ត្រូវបានផលិតដោយប្រើផ្នែកខ្លះនៃគ្រាប់រ៉ុកកែត Falcon 9 និងមានឈ្មោះថា Wild Boar ដែលដាក់តាមឈ្មោះក្រុមបាល់ទាត់របស់ក្មេងៗថៃ។ យកមកកាន់ទីនេះ ក្នុងករណីដែលវាអាចនឹងមានប្រយោជន៍ នាពេលខាងមុខ។»

ជាមួយគ្នានេះ នៅមិនទាន់មានការបញ្ជាក់នៅឡើយទេថា ក្រុមអ្នកជួយសង្គ្រោះ គ្រោងនឹងប្រើប្រាស់នាវាមុជទឹកទំហំតូចរបស់លោកElon Musk។

គួរបញ្ជាក់ថា រូងភ្នំទី៣ គឺមានចម្ងាយប្រហែល ២ គីឡូម៉ែត្រ ពីមាត់រូងភ្នំថាមលួង និងក៏ជាមូលដ្ឋានរបស់ក្រុមអ្នកជួយសង្គ្រោះផងដែរ។

ខណៈពេលនេះ សមាជិកចំនួន ៥ នាក់នៃក្រុមកីឡាករបាល់ទាត់ថៃ កំពុងនៅជាប់ក្នុងល្អាងភ្នំថាមលួង រង់ចាំការជួយសង្គ្រោះ៕

អត្ថបទទាក់ទង៖

ប្រភព៖ The Nation ប្រែសម្រួល៖ អឹុម ម៉េងស៊ាង