នាយករដ្ឋមន្ត្រីវៀតណាម សម្លឹងឃើញឱកាស៤យ៉ាង ក្នុងនាមម្ចាស់ផ្ទះជំនួបត្រាំ-គីម

2019-02-22 04:26:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Nguyen Xuan Phuc នាយករដ្ឋមន្ត្រីនៃប្រទេសវៀតណាម កាលពីពេលថ្មីៗនេះ បានថ្លែងថា កិច្ចប្រជុំកំពូលរវាងលោកប្រធានាធិបតីអាមេរិក ដូណាល់ ត្រាំ និងមេដឹកនាំកូរ៉េខាងជើង គីម ជុងអ៊ុន នៅវៀតណាម គឺជាឱកាសដ៏មានតម្លៃ សម្រាប់ប្រទេសនៅតំបន់អាស៊ានមួយនេះ។

លោក Nguyen Xuan Phuc នាយករដ្ឋមន្ត្រីនៃប្រទេសវៀតណាម

លោកនាយករដ្ឋមន្ត្រីបានសង្ងត់ធ្ងន់ថា វៀតណាមនឹងផ្សព្វផ្សាយពីរូបភាពល្អៗនិងភាពជោគជ័យក្នុងវិស័យផ្សេងៗ, លើកកម្ពស់បរិយាកាសវិនិយោគនិងការទាក់ទាញភ្ញៀវទេសចរ, បង្កភាពងាយស្រួលសម្រាប់ការធ្វើពាណិជ្ជកម្ម និងរួមចំណែកសមាហរណកម្មអន្តរជាតិ។

លោក Phuc នឹងជូនដំណឹងដល់ប្រជាជនវៀតណាម ពីសារសំខាន់នៃកិច្ចប្រជុំមួយនេះ ដើម្បីបង្ហាញពីតួនាទី និងកេរ្តិ៍ឈ្មោះរបស់វៀតណាម លើឆាកអន្តរជាតិផងដែរ។ បញ្ហាសុវត្ថិភាព និងសន្តិសុខ ជារឿងចម្បងសម្រាប់កិច្ចប្រជុំកំពូលដែលគ្រោងធ្វើឡើង ចាប់ពីថ្ងៃទី២៧ ដល់ ២៨ ខែកុម្ភៈ ឆ្នាំ២០១៩ នៅក្រុងហាណូយ។

ចំពោះក្រុមអ្នកសារព័ត៌មាន លោក Phuc បញ្ជាក់ថា នឹងផ្ដល់ការទទួលស្វាគមន៍រាក់ទាក់យ៉ាងកក់ក្ដៅ ព្រោះក្រុមអ្នកសារព័ត៌មាន ជាអ្នកផ្សព្វផ្សាយរឿងជាច្រើនជុំវិញជំនួបកំពូលនេះ ដែលធ្វើឲ្យពិភពលោកបានស្គាល់កាន់តែច្បាស់ថែមទៀតពីវៀតណាម៕

អត្ថបទទាក់ទង