មជ្ឈមណ្ឌលវាយតម្លៃចុងភៅ បានសម្ពោធដាក់ឲ្យប្រើជាផ្លូវការ

2019-08-15 07:22:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងទេសចរណ៍ បានដាក់សម្ពោធមជ្ឈមណ្ឌលវាយតម្លៃសមត្ថភាពអ្នកជំនាញទេសចរណ៍ថាលាស (Thalias) ផ្នែកផលិតកម្មម្ហូបអាហារ ដែលជាសញ្ញាបង្ហាញថា ពីពេលនេះតទៅ កម្ពុជាមានមជ្ឈមណ្ឌលវាយតម្លៃចុងភៅមួយដែលគួរឱ្យជឿជាក់ ស្របតាមយន្តការជាតិ និងអាស៊ាន។

ថោង ខុន រដ្ឋ មន្ត្រី ក្រសួងទេសចរណ៍ ក្នុងកម្មវិធីដាក់សម្ពោធមជ្ឈមណ្ឌលវាយតម្លៃចុងភៅ (រូបភាព៖ ក្រសួងទេសចរណ៍)

ក្នុងកម្មវិធីដាក់សម្ពោធមជ្ឈមណ្ឌលនេះដែរ ក៏មានមានការចូលរួមពី លោក ថោង ខុន រដ្ឋ មន្ត្រី ក្រសួងទេសចរណ៍ និងតំណាងអង្គការជាតិ-អន្តរជាតិ សាលាបណ្តុះបណ្តាលជំនាញវិជ្ជាជីវៈទេសចរណ៍ គ្រូបង្គោលជាតិ អ្នកវាយតម្លៃបង្គោលជាតិ អ្នកជំនាញម្ហូបអាហារប្រមាណ ២០០រូប។

លោក ថោង ខុន បានឱ្យដឹងថា គំនិតផ្ដួចផ្ដើមក្នុងការគាំទ្របង្កើតមជ្ឈមណ្ឌលវាយតម្លៃសមត្ថភាពនេះ ស្របតាមផែនការអភិវឌ្ឍន៍ធនធានមនុស្សក្នុងវិស័យទេសចរណ៍ ឆ្នាំ២០១៧-២០២៥។

លោក បន្តថា ដោយមានការចូលរួមគាំទ្រដោយក្រុមហ៊ុនថាលាសគ្រុប (Thalias Group) អង្គការអាល្លឺម៉ង់ Assist ដែលអាចផ្ដល់ឱកាសដល់អ្នកជំនាញផ្នែកផលិតកម្មម្ហូបអាហារ (ចុងភៅ) ជាពិសេសចុងភៅដែលមានបទពិសោធន៍ល្អៗ តែពុំទាន់មានវិញ្ញាបនបត្រទទួលស្គាល់ផ្លូវការ ឲ្យទទួលបានការវាយតម្លៃសមត្ថភាព និងទទួលបានវិញ្ញាបនបត្រទទួលស្គាល់កម្រិតវិញ្ញាបនបត្រ ស្របតាមយន្តការជាតិ និងអាស៊ាន៕

ចុចអាន៖

អត្ថបទ៖ ម៉េងងី