សម្តេច ហ៊ុន សែន ស្នើ​ឲ្យ​​ជប៉ុន​វិនិយោគ​លើ​ប្រព័ន្ធ​ដឹក​ជញ្ជូន​នៅ​ភ្នំពេញ

  • 2019-08-22 02:25:02
  • ចំនួនមតិ 0 | ចំនួនចែករំលែក 5

ចន្លោះមិនឃើញ

សម្តេច ហ៊ុន សែន នាយករដ្ឋន្រ្តីកម្ពុជាបានស្នើឲ្យក្រុមហ៊ុនជប៉ុនមកធ្វើវិនិយោគតាមប្រព័ន្ធ BOT លើប្រព័ន្ធដឹកជញ្ជូននៅក្នុងរាជធានីភ្នំពេញ។ នេះបើយោង តាមការបញ្ជាក់របស់លោក កៅ គីមហួន រដ្ឋមន្រ្តីប្រតិភូអមនាយករដ្ឋមន្រ្តី។ ការ​ស្នើរ​នេះ​ធ្វើ​ឡើង​ក្នុង​ជំនួប​រវាង សម្ដេច ហ៊ុន សែន ជា​មួយ​អនុរដ្ឋមន្ត្រីក្រសួងការបរទេសជប៉ុន លោក ណូរីកាហ្សូ ស៊ូហ្សុយគី (Norikazu SUZUKI) ដែល​បាន​ចូលជួបសំដែងការគួរសម និង ពិភាក្សាការ​ងារ នៅវិមានសន្តិភាព នៅ​ថ្ងៃទី២១ ខែសីហា។

លោក កៅ គីមហួន បានឲ្យដឹងបន្ទាប់ពីជំនួបនោះថា៖ ទស្សនកិច្ចរបស់លោក អនុ​រដ្ឋ​មន្ត្រីការបរទេសជប៉ុនមកកាន់ប្រទេសកម្ពុជានេះ គឺ​ជា​ជំហាន​មួយ​ទៀត​បន្ទាប់​ពីការ​ពង្រីក​និង​ពង្រឹង​ទំនាក់ទំនង​កិច្ចសហប្រតិបត្តិការទ្វេភាគីរវាងកម្ពុជានិងជប៉ុន។

លោក ណូរីកាហ្សូ ស៊ូហ្សុយគី ក៏​បានបញ្ជាក់ដែរថា នេះ​ជា​ដំណើរ​ទស្សនកិច្ច​លើក​ដំបូង​របស់​លោក​មក​កាន់​ប្រទេសកម្ពុជា ។ លោក បាន​លើក​ឡើង​អំពី​ការ​ងារ​មួយ​ចំនួន​ជា​ពិសេស​គម្រោង​ដែល​ជប៉ុន​បាន​ជួយ​កម្ពុជា ហើយ​គម្រោង​ទាំង​នោះ​កំពុងអនុវត្តន៍ដូចជាផ្លូវជាតិលេខ ១ ផ្លូវជាតិលេខ ៥ គម្រោងនៅរាជធានីភ្នំពេញ គម្រោងនៅតាមបណ្តាខេត្តមួយចំនួន រួមមានវិស័យទឹកស្អាត ការជួសជុល ប្រាសាទផងដែរ។

សម្តេច ហ៊ុន សែន ក៏​បាន​ថ្លែង​អរគុណ​ចំពោះ​រដ្ឋាភិបាល​ជប៉ុន​ដែល​បាន​ជួយ​ដល់​ប្រទេស​កម្ពុជា​ចាប់​តាំង​ពី​ដំណើរ​ការស្វែងរកសន្តិភាព បន្ទាប់​មក​ដំណាក់​កាល​ស្ដារប្រទេសកម្ពុជាឡើងវិញ ជប៉ុន​បាន​ផ្ដល់​ជំនួយច្រើនជាងគេដល់ប្រទេសកម្ពុជា៕

ចុចអាន៖

សម្តេច ហ៊ុន សែន នាយករដ្ឋន្រ្តីកម្ពុជាបានស្នើឲ្យក្រុមហ៊ុនជប៉ុនមកធ្វើវិនិយោគតាមប្រព័ន្ធ BOT លើប្រព័ន្ធដឹកជញ្ជូននៅក្នុងរាជធានីភ្នំពេញ។ នេះបើយោង តាមការបញ្ជាក់របស់លោក កៅ គីមហួន រដ្ឋមន្រ្តីប្រតិភូអមនាយករដ្ឋមន្រ្តី។ ការ​ស្នើរ​នេះ​ធ្វើ​ឡើង​ក្នុង​ជំនួប​រវាង សម្ដេច ហ៊ុន សែន ជា​មួយ​អនុរដ្ឋមន្ត្រីក្រសួងការបរទេសជប៉ុន លោក ណូរីកាហ្សូ ស៊ូហ្សុយគី (Norikazu SUZUKI) ដែល​បាន​ចូលជួបសំដែងការគួរសម និង ពិភាក្សាការ​ងារ នៅវិមានសន្តិភាព នៅ​ថ្ងៃទី២១ ខែសីហា។

លោក កៅ គីមហួន បានឲ្យដឹងបន្ទាប់ពីជំនួបនោះថា៖ ទស្សនកិច្ចរបស់លោក អនុ​រដ្ឋ​មន្ត្រីការបរទេសជប៉ុនមកកាន់ប្រទេសកម្ពុជានេះ គឺ​ជា​ជំហាន​មួយ​ទៀត​បន្ទាប់​ពីការ​ពង្រីក​និង​ពង្រឹង​ទំនាក់ទំនង​កិច្ចសហប្រតិបត្តិការទ្វេភាគីរវាងកម្ពុជានិងជប៉ុន។

លោក ណូរីកាហ្សូ ស៊ូហ្សុយគី ក៏​បានបញ្ជាក់ដែរថា នេះ​ជា​ដំណើរ​ទស្សនកិច្ច​លើក​ដំបូង​របស់​លោក​មក​កាន់​ប្រទេសកម្ពុជា ។ លោក បាន​លើក​ឡើង​អំពី​ការ​ងារ​មួយ​ចំនួន​ជា​ពិសេស​គម្រោង​ដែល​ជប៉ុន​បាន​ជួយ​កម្ពុជា ហើយ​គម្រោង​ទាំង​នោះ​កំពុងអនុវត្តន៍ដូចជាផ្លូវជាតិលេខ ១ ផ្លូវជាតិលេខ ៥ គម្រោងនៅរាជធានីភ្នំពេញ គម្រោងនៅតាមបណ្តាខេត្តមួយចំនួន រួមមានវិស័យទឹកស្អាត ការជួសជុល ប្រាសាទផងដែរ។

សម្តេច ហ៊ុន សែន ក៏​បាន​ថ្លែង​អរគុណ​ចំពោះ​រដ្ឋាភិបាល​ជប៉ុន​ដែល​បាន​ជួយ​ដល់​ប្រទេស​កម្ពុជា​ចាប់​តាំង​ពី​ដំណើរ​ការស្វែងរកសន្តិភាព បន្ទាប់​មក​ដំណាក់​កាល​ស្ដារប្រទេសកម្ពុជាឡើងវិញ ជប៉ុន​បាន​ផ្ដល់​ជំនួយច្រើនជាងគេដល់ប្រទេសកម្ពុជា៕

ចុចអាន៖

អត្ថបទ៖ កុសល

អត្ថបទពេញនិយម
;