កម្ពុជា វៀតណាម ឯកភាពក្នុងកិច្ចសហប្រតិបត្តិការពាណិជ្ជកម្ម វិនិយោគ និងឧស្សាហកម្ម

2019-08-23 08:35:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ប្រាក់ សុខុន រដ្ឋមន្រ្តីការបរទេស និងសហប្រតិបត្តិការអន្តរជាតិ បានធ្វើជាសហប្រធានជាមួយ លោក ផាម ប៊ិញមិញ ឧបនាយករដ្ឋមន្រ្តីនៃសាធារណរដ្ឋសង្គមនិយមវៀតណាម ដែលបានដឹកនាំកិច្ចប្រជុំគណៈកម្មការចម្រុះ លើទី ១៧ កាលពីថ្ងៃទី ២១ សីហា ២០១៩។

ក្នុងកិច្ចប្រជុំនេះដែរ កម្ពុជា វៀតណាម បានចូលរួមឯកភាពក្នុងកិច្ចសហប្រតិបត្តិការ ពាណិជ្ជកម្ម វិនិយោគ និងឧស្សាហកម្មវិញ ដោយមានទំហំពាណិជ្ជកម្មទ្វេភាគីរវាងប្រទេសទាំងពីរ អាចនឹងសម្រេចបានចំនួន ៥ប៊ីលានដុល្លារអាមេរិក នៅឆ្នាំ២០២០ នឹងអាចកើនលើសគោលដៅដែលបានរំពឹងទុក។

ភាគីទាំងពីរក៏បានវាយតម្លៃខ្ពស់ផងដែរចំពោះកិច្ចខិតខំប្រឹងប្រែងសម្របសម្រួល ដើម្បីជំរុញការវិនិយោគទ្វេភាគី ដោយស្របទៅតាមច្បាប់ស្ដីពីការវិនិយោគ និងច្បាប់ពាក់ព័ន្ធដទៃទៀតរបស់ប្រទេសទាំងពីរ និងពន្លឿនការបញ្ចប់កិច្ចព្រមព្រៀងពាណិជ្ជកម្មតាមព្រំដែន ដែលបច្ចុប្បន្ននេះ កំពុងស្ថិតនៅក្នុងការពិភាក្សានៅឡើយ។

ភាគីទាំងពីរក៏បានឯកភាពធ្វើឱ្យដំណើរការឡើងនូវកិច្ចសហប្រតិបត្តិការក្នុងឧស្សាហកម្មតម្លៃបន្ថែមខ្ពស់ មានដូចជា វេជ្ជសាស្ត្រ ផលិតផលអគ្គិសនី គ្រឿងអេឡិចត្រូនិច យានយន្ត និងបានជំរុញ ការវិនិយោគកសិ-ឧស្សាហកម្មនៅតាមព្រំដែននៃប្រទេសទាំងពីរ៕

ចុចអាន៖

អត្ថបទ៖ ម៉េងងី