គណបក្សប្រជាធិបតេយ្យមូលដ្ឋាន មានគោលការណ៍ឱ្យសមាជិក ដកសេចក្តីទុកចិត្តពីមេឃុំ

2017-05-29 05:01:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គណបក្សប្រជាធិបតេយ្យមូលដ្ឋាន (គ.ប.ម) មានគោលនយោបាយអភិវឌ្ឍន៍មូលដ្ឋាន ចំនួន ៥ចំណុច។

១. មេឃុំមេភូមិល្អ៖ អ្នកភូមិយើងឈប់រើសអើង បែកបាក់គ្នាដោយសារនិន្នាការនយោបាយ។ អ្នកភូមិជ្រើសរើសមេភូមិដោយផ្ទាល់តាមរយៈការបោះឆ្នោត និងទទួលបានការសម្របសម្រួលដោះស្រាយទំនាស់ប្រកបដោយយុត្តិធម៌។

២. គ្រូពេទ្យល្អ៖ អ្នកភូមិទទួលបានសេវាថែទាំសុខភាព និងព្យាបាលល្អ។

៣. គ្រូបង្រៀនល្អ៖ ក្មេងអាយុ៣ឆ្នាំឡើង ទទួលបានសេវាអប់រំល្អ។

៤. គ្រូកសិកម្មល្អ៖ កសិករទទួលបានទឹក ទុន ទីផ្សារ និងបច្ចេកទេសកសិកម្ម។

៥.. នគរបាល (ប៉ូលិស) ល្អ៖ អ្នកភូមិទទួលបានសន្តិសុខ និងសុវត្ថិភាព គ្មានគ្រឿងញៀន គ្មានបងតូចបងធំ និងក្មេងទំនើង។

លោក យ៉េង វីរៈ (ឆ្វេង) និងលោក សាម ស៊ុនឌឿន ជាប្រធាន និងអនុប្រធាននៃគណបក្សប្រជាធិបតេយ្យមូលដ្ឋាន។ រូបថត RFA

គណបក្សប្រជាធិបតេយ្យមូលដ្ឋាន មានគោលការណ៍ឱ្យសមាជិកបក្សតាមមូលដ្ឋាន បោះឆ្នោតដកសេចក្តីទុកចិត្តពីមេឃុំ ក្នុងករណីមេឃុំ គ.ប.ម ប្រព្រឹត្តកំហុសធ្ងន់។

គ.ប.ម បង្កើតគោលការណ៍ប្រជាធិបតេយ្យផ្ទៃក្នុងបក្ស ពីក្រោមមកលើ ដោយអនុញ្ញាតឱ្យសមាជិកបក្សតាមមូលដ្ឋាន បោះឆ្នោតជ្រើសរើសលេខរៀងបេក្ខជនក្រុមប្រឹក្សាឃុំ-សង្កាត់ ដោយផ្ទាល់។

រូបសញ្ញាគណបក្សប្រជាធិបតេយ្យមូលដ្ឋាន

សូមបញ្ជាក់ថា គណបក្សប្រជាធិបតេយ្យមូលដ្ឋាន បានចុះបញ្ជីឈរឈ្មោះបោះឆ្នោត នៅឃុំ-សង្កាត់ ចំនួន ២៧ ក្នុងខេត្តបាត់ដំបង កំពង់ឆ្នាំង កំពង់ស្ពឺ កំពង់ធំ កំពត ព្រៃវែង រតនគិរី ស្វាយរៀង និងតាកែវ ដែលមានបេក្ខជនសរុបចំនួន ៤១១នាក់ ក្នុងនោះស្រ្តី ១០៩នាក់៕

សូមអាន៖ គណបក្សជនជាតិដើមប្រជាធិបតេយ្យកម្ពុជា មានគោលនយោបាយអភិវឌ្ឍន៍ឃុំ-សង្កាត់ នៅជាប់ព្រំដែន

សូមអាន៖ គណបក្ស សញ្ជាតិកម្ពុជា ប្រកាន់ខ្ជាប់គោលការណ៍ ធ្វើបុណ្យ និងបណ្តុះនូវគ្រាប់ពូជព្រះនិពា្វន

សូមអាន៖ គោលនយោបាយសំខាន់ៗ របស់គណបក្សសាធារណរដ្ឋប្រជាធិបតេយ្យ

សូមអាន៖ គណបក្សយុវជនកម្ពុជា មានគោលនយោបាយបង្កើតមុខរបរជូនពលរដ្ឋក្នុងតំបន់

បញ្ជាក់៖ ខ្លីៗ នឹងជម្រាបជូនពីគោលនយោបាយរបស់គណបក្សដទៃទៀតជាបន្តបន្ទាប់

អត្ថបទ៖ សំភី