Casemiro៖ Real Madrid ស្វាគមន៍ជានិច្ចបើ Neymar ព្រមទៅចូលរួម

2017-07-25 04:27:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែបម្រើ Casemiro របស់ក្រុមអធិរាជស Real Madrid បានប្រាប់ថា តារាឆ្នើម Neymar របស់ Barcelona នឹងទទួលបានការស្វាគមន៍យ៉ាងកក់ក្ដៅ ប្រសិនបើរូបគេសម្រេចចិត្តចូលរួមនៅកីឡាដ្ឋាន Santiago Bernabeu ។ ការលើកឡើងនេះ បន្ទាប់ពីមានដំណឹងលេចឮថា កីឡាករសញ្ជាតិប្រេស៊ីលរូបនេះ ទំនងជាចាកចេញពីក្រុមអ្នកមានបុណ្យ។

«វាជាការសម្រេចចិត្តរបស់ Neymar ពីបញ្ហាអនាគតរបស់គេ... គេដឹងថា ត្រូវធ្វើអ្វីហើយ។ មូលហេតុអ្វីដែលថា គេមិនអាចលេងឲ្យ Real Madrid បាននោះ? ពួកយើងចាំទទួលស្វាគមន៍គេជានិច្ច»។ នេះជាសម្ដីរបស់ Casemiro នៅអាមេរិក ទាក់ទងនឹង Neymar ដែលជាគោលដៅរបស់ប្រធានក្លឹប Real Madrid គឺលោក Florentino Perez យូរមកហើយ។

កាលពីសប្ដាហ៍មុន PSG ត្រូវបានរាយការណ៍ថា បានដាក់សំណើដើម្បីទិញ Neymar យកទៅចូលរួមក្រុមនៅប្រទេសបារាំង ស្របពេលដែលមិត្តរួមក្រុមរបស់កីឡាករវ័យ២៥ឆ្នាំខាងលើ Gerard Pique បានអះអាងក្នុងបណ្ដាញសង្គម Twitter កាលពីថ្ងៃទី២៣កក្កដាថា Neymar នឹងនៅជាមួយ Barcelona បន្តទៀត៕

អត្ថបទពាក់ព័ន្ធ

ប្រភព៖ ESPN FC ប្រែសម្រួល៖ លាភ.