កម្ពុជានឹងទទួលបានចំណូលបន្ថែម ៥០០លានដុល្លារពីកិច្ចព្រមព្រៀងប្រេងកាតថ្មី

2017-08-23 06:12:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កម្ពុជានឹងទទួលបានចំណូលចំនួន ៥០០លានដុល្លារបន្ថែម ពីកិច្ចព្រមព្រៀងសម្រាប់ការអភិវឌ្ឍអណ្តូងប្រេងកាតនៅប្លុក A ជាមួយក្រុមហ៊ុន KrisEnergy Group ដែលត្រូវបានចុះហត្ថលេខា កាលពីព្រឹកមិញនេះ (២៣ សីហា)។ នេះបើយោងតាមលោក Kelvin Tang អគ្គនាយកក្រុមហ៊ុន KrisEnergy Group។

លោក KelvinTang បាននិយាយថា ការប៉ាន់ប្រមាណនេះ គឺសម្រាប់រយៈពេលមួយអាយុកាលរបស់គម្រោងទាំងមូល ដែលសំដៅទៅលើ ចំណូលបានពីពន្ធដារគ្រប់ប្រភេទ ថ្លៃសេវាផ្សេងៗ និងកម្រៃជើងសារ។

រូបគំរូ

លោក Kelvin Tang បាននិយាយថា "តាមរយៈការដាក់តួលេខចំនួនទឹកប្រាក់ ៥០០លានដុល្លារ យើងគិតថាជាការប៉ាន់ស្មានមួយដែលត្រឹមត្រូវ អាចនិយាយការពារបាន។ ចំនួនទឹកប្រាក់ ៥០០លានដុល្លារ ជាប្រាក់ចំណូលរបស់រដ្ឋាភិបាល រួមមានកម្រៃពន្ធរបស់រដ្ឋដាក់ផ្ទាល់លើគម្រោងរបស់យើងនេះ ឬអ្នកផ្តល់សេវាកម្ម"។

អគ្គនាយកក្រុមហ៊ុន KrisEnergy Group ដដែល ក៏បានអះអាងផងដែរថា ចំនួនទឹកលុយ ៥០០លានដុល្លារនេះ មិនរាប់បញ្ចូលនឹងចំនួន ៥ភាគរយ ដែលរដ្ឋាភិបាលមានភាគហ៊ុននៅក្នុងកិច្ចព្រមព្រៀងជាមួយក្រុមហ៊ុននោះទេ៕

ចុចអានអត្ថបទទាក់ទង៖ កម្ពុជា ចុះកិច្ចព្រមព្រៀងជាមួយក្រុមហ៊ុន ១ ក្នុងការអភិវឌ្ឍប្រេងនៅប្លុក A