ផ្សារបោះដុំ Makro គ្រោងពង្រីកសាខា ១០បន្ថែមទៀត

2017-12-19 04:02:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ផ្សារបោះដុំទំនិញធំជាងគេនៅកម្ពុជា Makro គ្រោងនឹងបើកសាខា ពី ៩ ទៅ ១០សាខាបន្ថែមទៀត ក្នុងរយៈពេល ៣ឆ្នាំខាងមុខ។ នេះបើតាមអគ្គនាយកក្រុមហ៊ុនស៊ីយ៉ាម ម៉ាក្រូ ចំកាត់មហាជន លោកស្រី ស៊ុឆាដា អ៊ីធីចារូគូល ថ្លែងក្នុងសន្និសីទសារព័ត៌មាន ប្រកាសបើឲ្យដំណើរការផ្សារ Makro នៅខណ្ឌសែនសុខ កាលពីថ្ងៃ១៦ធ្នូកន្លងទៅ។

លោកស្រី ស៊ុឆាដា អ៊ីធីចារូគូល

លោកស្រី ស៊ុឆាដា អ៊ីធីចារូគូល បានឲ្យដឹងទៀតថា Makro បានត្រៀមទុនសរុបជាង ១០០លានដុល្លារ ដើម្បីវិនិយោគទុនបង្កើតផ្សារបោះដុំនេះនៅកម្ពុជា ដែលមានទំនិញជាង១ម៉ឺនប្រភេទ។

លោកស្រីបន្ថែមថា ផ្សារ Makro សាខាសែនសុខ ដែលជាសាខាទី១ ត្រូវបានសាងសង់ដោយប្រើដើមទុនសរុប ១៤លានដុល្លារ ចាប់បើកឲ្យដំណើរការពីថ្ងៃទី ១៧ ធ្នូ២០១៧តទៅ។

គួរបញ្ជាក់ផងដែរថា ផ្សារបោះដុំទំនិញ Makro មាន១២០សាខានៅប្រទេសថៃ ហើយមកចាប់ដៃគូបង្កើតនៅកម្ពុជានៅឆ្នាំ២០១៦ ជាមួយក្រុមហ៊ុនក្នុងស្រុក LYP គ្រុបរបស់ឧកញ៉ា លី យ៉ុងផាត់។ ផ្សារនេះសាងសង់លើផ្ទៃដី ៥ហិកតា កម្ពស់ ២ជាន់ បើកដំណើរការចាប់ពីម៉ោង ៦ព្រឹក ដល់ម៉ោង ១០យប់៕