លោក កឹម សុខា និងមេធាវី មិនចូលសវនាការសាលាឧទ្ធរណ៍នៅថ្ងៃទី១៧កញ្ញាទេ

2018-09-15 09:36:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកកឹម សុខា អតីតប្រធានគណបក្សសង្គ្រោះជាតិ និងមេធាវីការពារទាំង ៤រូប មិនចូលខ្លួនទៅក្នុងសវនាការពិភាក្សាដេញដោលលើសំណុំរឿងសន្ទិដ្ឋិភាពជាមួយបរទេស នៅថ្ងៃទី១៧ ខែកញ្ញា ឆ្នាំ២០១៨ តាមការកោះអញ្ជើញរបស់អគ្គព្រះរាជអាជ្ញាអមសាលាឧទ្ធរណ៍នោះទេ។

លោកស្រី ម៉េង សុភារី មេធាវីលោក កឹម សុខា បានថ្លែងប្រាប់ [ខ្លីៗ] ថា នៅក្នុងការពិភាក្សាដេញដោលរបស់សាលាឧទ្ធរណ៍នៅថ្ងៃទី១៧ ខែកញ្ញា គឺលោក កឹម សុខា និងមេធាវីការពារ មិនចូលរួមទេ ពីព្រោះមេធាវីបានដកពាក្យបណ្តឹងឧទ្ធរណ៍លើដីកាសម្រេចពន្យារឃុំខ្លួនលោក កឹម សុខា ហើយ។

លោកស្រី ម៉េង សុភារី (រូបថត៖ ផ្ដល់ឲ្យ)

ចំណែក លោក ទូច ថារិទ្ធិ អគ្គលេខាធិការរង និងជាអ្នកនាំពាក្យសាលាឧទ្ធរណ៍ បានបញ្ជាក់ថា សាលាឧទ្ធរណ៍នឹងបើកសវនាការជំនុំជម្រះលើសំណុំរឿង លោកកឹម សុខា នៅថ្ងៃទី១៧ ខែកញ្ញា ឆ្នាំ២០១៨ ដោយគ្មានការលើកពេល ឬលុបចោលនោះទេ បើទោះបីជាមេធាវីដកពាក្យបណ្តឹងក៏ដោយ៕