អតីតថ្នាក់ដឹកនាំ Chelsea និង Liverpool ជំរុញឲ្យប្រទេសខ្លាំង៤ ដកខ្លួនពី World Cup

2018-03-20 04:43:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អតីតជំនួយការដៃស្ដាំរបស់លោក Roman Abramovich ម្ចាស់ក្លឹប Chelsea កាលពីចុងសប្ដាហ៍កន្លងទៅ បានជំរុញឲ្យប្រទេសអង់គ្លេស បារាំង អាល្លឺម៉ង់ និង អេស្ប៉ាញ ដកខ្លួនចេញពីព្រឹត្តិការណ៍បាល់ទាត់ពិភពលោក FIFA World Cup 2018 ដែលរៀបចំនៅរុស្ស៊ីក្នុងខែមិថុនាខាងមុខ ដើម្បីប្រឆាំងនឹងលោកប្រធានាធិបតីរុស្ស៊ី វ្ល៉ាឌឺមៀ ពូទីន។

លោក Christian Purslow

លោក Christian Purslow ដែលជាអតីតនាយកគ្រប់គ្រងក្រុមតោខៀវ និងជាថ្នាក់ដឹកនាំជាន់ខ្ពស់របស់ក្រុម Liverpool បានបញ្ជាក់ប្រាប់សារព័ត៌មាន The Times ថា ប្រសិនបើប្រទេសខ្លាំងទាំងនេះ មិនចូលរួម World Cup នោះរុស្ស៊ីនឹងបាត់បង់ភាពជឿជាក់ និងការទាក់ទាញក្នុងព្រឹត្តិការណ៍មួយនេះ ហើយប្រជាប្រិយភាពរបស់លោក ពូទីន នឹងធ្លាក់ចុះ។

ពាន World Cup

សូមបញ្ជាក់ថា សម្ពាធកំពុងកើនឡើង ដែលអាចឲ្យធ្វើឲ្យប្រទេសអង់គ្លេស សម្រេចចិត្តដកខ្លួនពី World Cup ក្រោយអំពើឃាតកម្មលើអតីតភ្នាក់ងារចារកម្មរបស់ខ្លួន ដែលអង់គ្លេសអះអាងថា រុស្ស៊ីគឺជាអ្នករៀបចំ។ ថ្មីៗនេះ លោកស្រីនាយករដ្ឋមន្ត្រីអង់គ្លេស Theresa May បានប្រកាសថា ខ្សែរាជវង្ស និងមន្ត្រីជាន់ខ្ពស់របស់អង់គ្លេស នឹងមិនទៅចូលរួមទស្សនា World Cup នោះទេ។

ទន្ទឹមនេះ ម្ចាស់ក្លឹប Chelsea លោក Roman Abramovich និងម្ចាស់ភាគហ៊ុនរបស់ Arsenal លោក Alisher Usmanov កំពុងប្រឈមនឹងការរឹបអូសទ្រព្យសម្បត្តិដោយរដ្ឋាភិបាលអង់គ្លេស ដើម្បីជាការឆ្លើយតបនឹងវិធានការរបស់រុស្ស៊ី ដែលបណ្ដេញមន្ត្រីទូតរបស់ខ្លួន៕

អត្ថបទពាក់ព័ន្ធ