មេ Apple បន្ទោសកត្តា ២យ៉ាង ដែលធ្វើឲ្យការលក់ដាំក្បាលចុះ

2019-01-03 09:12:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ចំណូលរបស់ក្រុមហ៊ុនផ្លែប៉ោម Apple បានធ្លាក់ចុះប្រមាណជាង ៩ពាន់លានដុល្លារអាមេរិក ក្នុងខែធ្នូ ឆ្នាំ២០១៨ បើធៀបទៅនឹងខែវិច្ឆិកា ឆ្នាំ២០១៨។ បញ្ហានេះ ត្រូវបានលោក Tim Cook នាយកប្រតិបត្តិ Apple អះអាងថា ដោយសារកត្តា ២យ៉ាង គឺ ប្រទេសចិន និង ថ្មទូរសព្ទមិនមែនជារបស់ Apple ។

លោក Tim Cook នាយកប្រតិបត្តិ Apple (រូបភាពផ្ដល់សិទ្ធិដោយ Reuters)

លោក Tim Cook បានពន្យល់ថា ការធ្លាក់ចុះនៃការលក់នេះ ដោយសារតែសង្គ្រាមពាណិជ្ជកម្មរវាងចិន និងអាមេរិក ដែលកំពុងកើតមានឡើង។ ជាងនេះទៅទៀត ផលិតផលថ្ម iPhone ដែលមិនមែនជារបស់ Apple និងមានតម្លៃថោកជាង ត្រូវបានអ្នកប្រើប្រាស់ជ្រើសរើស ដើម្បីប្ដូរថ្ម iPhone របស់ពួកគេ។

ប្រជាជនចិន កម្ទេច iPhone មួយគ្រឿង (រូប៖ Reuters)

Apple បានដាក់គោលដៅ រកចំណូលជិត ៨៤ពាន់លានដុល្លារ នៅក្នុងត្រីមាសទី១ នៃឆ្នាំ២០១៩ ដែលជាតួលេខតិចជាងការគ្រោងទុក ដែលមានចំនួន ៨៩ពាន់លានដុល្លារ ទៅដល់ ៩៣ពាន់លានដុល្លារ។ ក្រោយមានព័ត៌មានពីការធ្លាក់ចុះការលក់នេះ ភាគហ៊ុន Apple បានដាំក្បាលចុះចំនួន ៧,៥% ។

សូមបញ្ជាក់ថា Apple បានទម្លាក់តម្លៃនៃការប្ដូរថ្ម iPhone ពី ៧៩ដុល្លារ មកត្រឹមតែ ២៩ដុល្លារប៉ុណ្ណោះ ក្នុងឆ្នាំ២០១៨។ កម្មវិធីប្ដូរថ្មនេះ បានបញ្ចប់ត្រឹមដំណាច់ឆ្នាំ២០១៨៕