ស្ថានទូត​ប្រទេស​ធំៗ៣ប្រចាំ​នៅ​កម្ពុជា ផ្ញើសារ​រំលែក​ទុក្ខ ចំពោះ​ឧបទ្ទវហេតុ​បាក់រលំ​អគារ​នៅខេត្ត​ព្រះសីហនុ

  • 2019-06-25 04:37:40
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ថានទូត​ជប៉ុន ចិន និង​អាមេរិក ដែល​ប្រចាំ​នៅ​កម្ពុជា បាន​ផ្ញើសារ​រំលែកទុក្ខ​នៅលើ​ទំព័រហ្វេសប៊ុក​របស់​ខ្លួន ចំពោះ​ឧបទ្ទវហេតុ​បាក់​រលំអគារ ៧ជាន់​នៅខេត្ត​ព្រះសីហនុ ដែល​បាន​កើតឡើង​កាលពីថ្ងៃទី​២២ ខែ​មិថុនា​កន្លងទៅ។ ខាង​ក្រោមនេះ គឺជាសារ​របស់​ស្ថានទូត​ទាំង៣៖

-ស្ថានទូតជប៉ុន៖

«សាររំលែក​ទុក្ខពី​ឯកឧត្តម ហូរីណូអ៊ុជិ ហ៊ីដេហ៊ីសា ឯកអគ្គរាជទូត​ជប៉ុន​ប្រចាំព្រះរាជាណាចក្រ​កម្ពុជា»

ខ្ញុំមាន​អារម្មណ៍​សោកស្តាយ​ជាពន់ពេក​ក្រោយពី​បាន​ទទួល​ព័ត៌មាន​ស្តីពី​ឧបទ្ទវហេតុ​បាក់​អគារ​ដែលបាន​កើតឡើង​នៅថ្ងៃទី២២ ខែ​មិថុនា នៅខេត្ត​ព្រះសីហនុ។ ខ្ញុំសូម​ចូលរួម​រំលែកទុក្ខ​ជាមួយ​ក្រុម​គ្រួសារ​ជន​រងគ្រោះ និង​សូម​បួងសួង​ឲ្យវិញ្ញាណក្ខន្ធ​របស់​ជនរងគ្រោះ​ទៅកាន់​សុគតិភព។

-ស្ថានទូត​ចិន៖

ស្ថានទូត​សាធារណរដ្ឋប្រជាមានិតចិនប្រចាំ​កម្ពុជា មាន​អារម្មណ៍​ក្ដុកក្ដួល​ជាខ្លាំង​អំពី​ឧបទ្ទេវហេតុ​បាក់រលំអគារ​ក្នុងខេត្ត​ព្រះសីហនុ

នៅពេល​ទៀបភ្លឺ​ថ្ងៃទី២២ ខែ​មិថុនា អគារដែល​ទទួលសាងសង់​ដោយជនជាតិចិន​ នៅខេត្ត​ព្រះសីហនុ ប្រទេស​កម្ពុជា បានជួប​ឧបទ្ទេវហេតុ​បាក់រលំ បណ្ដាល​ឲ្យមាន​អ្នកស្លាប់ និងរបួស​ជាច្រើន​នាក់។ ស្ថានទូតចិន​ប្រចាំ​កម្ពុជា មានអារម្មណ៍​ក្ដុកក្ដួល​សោកស្ដាយ​ជាពន់ពេក និង​សូមបួងសួង​ឲ្យវិញ្ញាណក្ខន្ធ​ជនរងគ្រោះ​ដែលបាត់​បង់ជីវិត​បាន​ទៅកាន់​សុគតិភព សូមចូលរួម​រំលែកទុក្ខ​ជាមួយ​ក្រុមគ្រួសារ​នៃ​សពផង។ ជាមួយគ្នា​នេះដែរ សូមជូនពរ​ឲ្យជនរងគ្រោះ​ ដែល​កំពុង​ទទួល​ការព្យាបាល​បានជា​សះស្បើយ​ក្នុងពេល​ឆាប់ៗ។

ក្រោយ​ឧបទ្ទេវហេតុ​កើតឡើង ស្ថានទូតចិន​ប្រចាំកម្ពុជា​ បាន​ទំនាក់ទំនង​ផ្ទាល់ជាមួយ​សភាពាណិជ្ជកម្ម​ចិន​នៅ​កម្ពុជា និង​សហគ្រាសចិន​នៅខេត្ត​ព្រះសីហនុ​ជាបន្ទាន់ ដើម្បីរៀបចំ​កម្លាំង​ជំនួយ និង​សម្ភារៈ ចាត់ចែង​គ្រឿងចក្រ​អេស្កាទ័រ​ខ្នាតធំ​ជាដើម​ ចូលរួម​ក្នុងសកម្មភាព​សង្រ្គោះ​ឲ្យបានទាន់​ពេល។ តាម​ដំណឹង​ទទួលបាន សភា​ពាណិជ្ជកម្មចិន​នៅកម្ពុជា​ មកទល់នឹង​ពេលនេះ​កំពុង​សម្របសម្រួល​កិច្ចការ​សង្រ្គោះ​ជាបន្តបន្ទាប់​នៅទី​នោះ។

បច្ចុប្បន្ន ជនជាតិចិន​ដែលពាក់ព័ន្ធ​នឹង​ឧបទ្ទេវហេតុ​លើកនេះ ត្រូវកម្លាំង​សមត្ថកិច្ច​កម្ពុជា​ឃាត់ខ្លួន​បានហើយ ភាគីចិន​គាំទ្រ​ស្ថាប័នពាក់ព័ន្ធ​របស់​កម្ពុជា​បើកការ​ស៊ើប​អង្កេត​តាម​ផ្លូវច្បាប់ និង​គាំទ្រ​ទាំងស្រុង​ចំពោះភាគី​កម្ពុជា ដើម្បី​ចាត់វិធានការ​តាមផ្លូវច្បាប់​ទៅលើ​ជនល្មើស​ទាំងឡាយ​ដែលពាក់ព័ន្ធ​ក្នុងឧបទ្ទេវហេតុ​លើកនេះ។

-ស្ថានទូត​អាមេរិក

ស្ថានទូត​អាមេរិក​នៅភ្នំពេញ​មាន​ការក្រៀមក្រំ​ចិត្ត​យ៉ាង​ជ្រាលជ្រៅ ចំពោះ​ការបាត់បង់​ជីវិត នៅទីក្រុង​ព្រះសីហនុ ដោយសារ​ការ​រលំអាគារ។ យើង​សូម​សម្តែង​សមានទុក្ខ​ដោយ​ស្មោះ ចំពោះ​អ្នកដែល​បាត់បង់​សមាជិក​គ្រួសារ និង​មិត្តភក្តិ នៅក្នុង​គ្រោះថ្នាក់​នេះ។

យោងតាម​សេចក្តីប្រកាស​ព័ត៌មាន​របស់​រដ្ឋបាល​ខេត្ត​ព្រះសីហនុ ឱ្យដឹង​ថា ប្រតិបត្តិការ​នៃការ​រុករក​ជនរងគ្រោះ​នៅក្រោម​គំនរបាក់បែក​នៃ​អគារ​រលំ រយៈពេល​២ថ្ងៃ​កន្លះ ចាប់ពី​ថ្ងៃទី២២ ដល់ថ្ងៃ​ទី២៤ ខែ​មិថុនា ឆ្នាំ​២០១៩ ត្រូវបាន​បិទ​បញ្ចប់​ជាស្ថាពរ ត្រឹម​វេលា​ម៉ោង ៧កន្លះយប់​ថ្ងៃទី២៤ ខែ​មិថុនា ឆ្នាំ​២០១៩។ ក្នុងនោះ​ជនរងគ្រោះ​ដែលក្រុម​ការងារ​បាន​ជួយ​សង្គ្រោះ​មាន​ចំនួន​សរុប ៥៤​នាក់ (ស្លាប់ ២៨​នាក់ ស្រី៤នាក់ និង​របួស ២៦នាក់ ស្រី២នាក់)៕

រូបថត៖ ហ្វេសប៊ុកសម្តេច ហ៊ុន សែន

អត្ថបទ​ទាក់ទង៖

-បាក់​រលំ​អគារ​នៅខេត្ត​ព្រះសីហនុ៖ គ្រួសារ​សព​ទទួល​បាន​ថវិកាពី ៦ ទៅ ៧ម៉ឺន​ដុល្លារ

-រកឃើញ​អ្នកនៅ​មាន​ជីវិត២នាក់ ក្នុង​ឧបទ្ទវហេតុ​បាក់រលំអគារនៅខេត្តព្រះសីហនុ

-រាជរដ្ឋាភិបាល​សម្រេច​បង្កើត​គណៈកម្មការ​ត្រួតពិនិត្យ​គុណភាព​សំណង់​នៅខេត្ត​ព្រះសីហនុ

-ស្ថានទូត​ចិន បង្ហាញ​អារម្មណ៍​ក្តុកក្តួល​ខ្លាំង​ចំពោះ​ការ​បាក់រលំ​អគារ​ដែលសាង​សង់​ដោយ​ជនជាតិ​ចិន

ស្ថានទូត​ជប៉ុន ចិន និង​អាមេរិក ដែល​ប្រចាំ​នៅ​កម្ពុជា បាន​ផ្ញើសារ​រំលែកទុក្ខ​នៅលើ​ទំព័រហ្វេសប៊ុក​របស់​ខ្លួន ចំពោះ​ឧបទ្ទវហេតុ​បាក់​រលំអគារ ៧ជាន់​នៅខេត្ត​ព្រះសីហនុ ដែល​បាន​កើតឡើង​កាលពីថ្ងៃទី​២២ ខែ​មិថុនា​កន្លងទៅ។ ខាង​ក្រោមនេះ គឺជាសារ​របស់​ស្ថានទូត​ទាំង៣៖

-ស្ថានទូតជប៉ុន៖

«សាររំលែក​ទុក្ខពី​ឯកឧត្តម ហូរីណូអ៊ុជិ ហ៊ីដេហ៊ីសា ឯកអគ្គរាជទូត​ជប៉ុន​ប្រចាំព្រះរាជាណាចក្រ​កម្ពុជា»

ខ្ញុំមាន​អារម្មណ៍​សោកស្តាយ​ជាពន់ពេក​ក្រោយពី​បាន​ទទួល​ព័ត៌មាន​ស្តីពី​ឧបទ្ទវហេតុ​បាក់​អគារ​ដែលបាន​កើតឡើង​នៅថ្ងៃទី២២ ខែ​មិថុនា នៅខេត្ត​ព្រះសីហនុ។ ខ្ញុំសូម​ចូលរួម​រំលែកទុក្ខ​ជាមួយ​ក្រុម​គ្រួសារ​ជន​រងគ្រោះ និង​សូម​បួងសួង​ឲ្យវិញ្ញាណក្ខន្ធ​របស់​ជនរងគ្រោះ​ទៅកាន់​សុគតិភព។

-ស្ថានទូត​ចិន៖

ស្ថានទូត​សាធារណរដ្ឋប្រជាមានិតចិនប្រចាំ​កម្ពុជា មាន​អារម្មណ៍​ក្ដុកក្ដួល​ជាខ្លាំង​អំពី​ឧបទ្ទេវហេតុ​បាក់រលំអគារ​ក្នុងខេត្ត​ព្រះសីហនុ

នៅពេល​ទៀបភ្លឺ​ថ្ងៃទី២២ ខែ​មិថុនា អគារដែល​ទទួលសាងសង់​ដោយជនជាតិចិន​ នៅខេត្ត​ព្រះសីហនុ ប្រទេស​កម្ពុជា បានជួប​ឧបទ្ទេវហេតុ​បាក់រលំ បណ្ដាល​ឲ្យមាន​អ្នកស្លាប់ និងរបួស​ជាច្រើន​នាក់។ ស្ថានទូតចិន​ប្រចាំ​កម្ពុជា មានអារម្មណ៍​ក្ដុកក្ដួល​សោកស្ដាយ​ជាពន់ពេក និង​សូមបួងសួង​ឲ្យវិញ្ញាណក្ខន្ធ​ជនរងគ្រោះ​ដែលបាត់​បង់ជីវិត​បាន​ទៅកាន់​សុគតិភព សូមចូលរួម​រំលែកទុក្ខ​ជាមួយ​ក្រុមគ្រួសារ​នៃ​សពផង។ ជាមួយគ្នា​នេះដែរ សូមជូនពរ​ឲ្យជនរងគ្រោះ​ ដែល​កំពុង​ទទួល​ការព្យាបាល​បានជា​សះស្បើយ​ក្នុងពេល​ឆាប់ៗ។

ក្រោយ​ឧបទ្ទេវហេតុ​កើតឡើង ស្ថានទូតចិន​ប្រចាំកម្ពុជា​ បាន​ទំនាក់ទំនង​ផ្ទាល់ជាមួយ​សភាពាណិជ្ជកម្ម​ចិន​នៅ​កម្ពុជា និង​សហគ្រាសចិន​នៅខេត្ត​ព្រះសីហនុ​ជាបន្ទាន់ ដើម្បីរៀបចំ​កម្លាំង​ជំនួយ និង​សម្ភារៈ ចាត់ចែង​គ្រឿងចក្រ​អេស្កាទ័រ​ខ្នាតធំ​ជាដើម​ ចូលរួម​ក្នុងសកម្មភាព​សង្រ្គោះ​ឲ្យបានទាន់​ពេល។ តាម​ដំណឹង​ទទួលបាន សភា​ពាណិជ្ជកម្មចិន​នៅកម្ពុជា​ មកទល់នឹង​ពេលនេះ​កំពុង​សម្របសម្រួល​កិច្ចការ​សង្រ្គោះ​ជាបន្តបន្ទាប់​នៅទី​នោះ។

បច្ចុប្បន្ន ជនជាតិចិន​ដែលពាក់ព័ន្ធ​នឹង​ឧបទ្ទេវហេតុ​លើកនេះ ត្រូវកម្លាំង​សមត្ថកិច្ច​កម្ពុជា​ឃាត់ខ្លួន​បានហើយ ភាគីចិន​គាំទ្រ​ស្ថាប័នពាក់ព័ន្ធ​របស់​កម្ពុជា​បើកការ​ស៊ើប​អង្កេត​តាម​ផ្លូវច្បាប់ និង​គាំទ្រ​ទាំងស្រុង​ចំពោះភាគី​កម្ពុជា ដើម្បី​ចាត់វិធានការ​តាមផ្លូវច្បាប់​ទៅលើ​ជនល្មើស​ទាំងឡាយ​ដែលពាក់ព័ន្ធ​ក្នុងឧបទ្ទេវហេតុ​លើកនេះ។

-ស្ថានទូត​អាមេរិក

ស្ថានទូត​អាមេរិក​នៅភ្នំពេញ​មាន​ការក្រៀមក្រំ​ចិត្ត​យ៉ាង​ជ្រាលជ្រៅ ចំពោះ​ការបាត់បង់​ជីវិត នៅទីក្រុង​ព្រះសីហនុ ដោយសារ​ការ​រលំអាគារ។ យើង​សូម​សម្តែង​សមានទុក្ខ​ដោយ​ស្មោះ ចំពោះ​អ្នកដែល​បាត់បង់​សមាជិក​គ្រួសារ និង​មិត្តភក្តិ នៅក្នុង​គ្រោះថ្នាក់​នេះ។

យោងតាម​សេចក្តីប្រកាស​ព័ត៌មាន​របស់​រដ្ឋបាល​ខេត្ត​ព្រះសីហនុ ឱ្យដឹង​ថា ប្រតិបត្តិការ​នៃការ​រុករក​ជនរងគ្រោះ​នៅក្រោម​គំនរបាក់បែក​នៃ​អគារ​រលំ រយៈពេល​២ថ្ងៃ​កន្លះ ចាប់ពី​ថ្ងៃទី២២ ដល់ថ្ងៃ​ទី២៤ ខែ​មិថុនា ឆ្នាំ​២០១៩ ត្រូវបាន​បិទ​បញ្ចប់​ជាស្ថាពរ ត្រឹម​វេលា​ម៉ោង ៧កន្លះយប់​ថ្ងៃទី២៤ ខែ​មិថុនា ឆ្នាំ​២០១៩។ ក្នុងនោះ​ជនរងគ្រោះ​ដែលក្រុម​ការងារ​បាន​ជួយ​សង្គ្រោះ​មាន​ចំនួន​សរុប ៥៤​នាក់ (ស្លាប់ ២៨​នាក់ ស្រី៤នាក់ និង​របួស ២៦នាក់ ស្រី២នាក់)៕

រូបថត៖ ហ្វេសប៊ុកសម្តេច ហ៊ុន សែន

អត្ថបទ​ទាក់ទង៖

-បាក់​រលំ​អគារ​នៅខេត្ត​ព្រះសីហនុ៖ គ្រួសារ​សព​ទទួល​បាន​ថវិកាពី ៦ ទៅ ៧ម៉ឺន​ដុល្លារ

-រកឃើញ​អ្នកនៅ​មាន​ជីវិត២នាក់ ក្នុង​ឧបទ្ទវហេតុ​បាក់រលំអគារនៅខេត្តព្រះសីហនុ

-រាជរដ្ឋាភិបាល​សម្រេច​បង្កើត​គណៈកម្មការ​ត្រួតពិនិត្យ​គុណភាព​សំណង់​នៅខេត្ត​ព្រះសីហនុ

-ស្ថានទូត​ចិន បង្ហាញ​អារម្មណ៍​ក្តុកក្តួល​ខ្លាំង​ចំពោះ​ការ​បាក់រលំ​អគារ​ដែលសាង​សង់​ដោយ​ជនជាតិ​ចិន

អត្ថបទ៖ សំភី

អត្ថបទពេញនិយម
;