ចិន ប្រហារជីវិតជនជាតិកាណាដាម្នាក់ ក្រោយករណី Huawei

2019-01-15 02:19:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តុលាការចិន កាលពីថ្ងៃទី១៤ ខែមករា ឆ្នាំ២០១៩ បានសម្រេចផ្ដន្ទាទោសប្រហារជីវិត ជនជាតិកាណាដាម្នាក់ ដែលមានជាប់ពាក់ព័ន្ធនឹងការរត់ពន្ធគ្រឿងញៀន ក្រោយពីតុលាការ សម្រេចឲ្យពន្ធនាគាររយៈពេល ១៥ឆ្នាំ។ ការប្រហារជីវិតជនជាតិកាណាដានេះ គឺបន្ទាប់ពី ការចាប់ខ្លួនប្រធានផ្នែកហិរញ្ញវត្ថុរបស់ក្រុមហ៊ុនចិន Huawei នៅក្នុងប្រទេសកាណាដា កាលពីខែមុន។

តុលាការចិន កាលពីថ្ងៃទី១៤ ខែមករា ឆ្នាំ២០១៩ បានសម្រេចផ្ដន្ទាទោសប្រហារជីវិត ជនជាតិកាណាដា ឈ្មោះ Robert Lloyd Schellenberg ពាក់ព័ន្ធនឹងការរត់ពន្ធគ្រឿងញៀន (រូប៖ radionz)

តុលាការក្រុង Dalian នៃខេត្ត Liaoning បានសម្រេចប្រហារជីវិតជនជាតិកាណាដាឈ្មោះ Robert Lloyd Schellenberg ។ បុរសដែលមានវ័យ ៣៦ឆ្នាំនេះ ធ្លាប់អះអាងថា ខ្លួនមិនមែនជាអ្នករត់ពន្ធគ្រឿងញៀននោះទេ ពោលគឺខ្លួនមកប្រទេសចិន ក្នុងនាមជាអ្នកទេសចរតែប៉ុណ្ណោះ។

សូមជម្រាបថា ក្រោយមានការចាប់ខ្លួនមេ Huawei ក្រុងប៉េកាំង បានឃាត់ខ្លួនជនជាតិកាណាដាចំនួន ២រូប ដែលម្នាក់ជាមន្ត្រីទូត និងម្នាក់ទៀតជាទីប្រឹក្សាជំនួញ៕

អត្ថបទទាក់ទង