[វីដេអូ] កសិដ្ឋាន​មួយ​តាកែវ ជា​ប្រភពនាំចេញចង្រិតធំជាងគេ​នៅ​កម្ពុជា

  • 2018-08-21 07:52:28
  • ចំនួនមតិ 0 | ចំនួនចែករំលែក 9

ចន្លោះមិនឃើញ

តើ​អ្នក​ដឹង​ទេ តាកែវ​ ជា​ខេត្ត​​មួយ​ដែល​មាន​កន្លែង​ចិញ្ចឹមចង្រិត​ដ៏ធំ ដែល​អាច​នាំចេញ​​ទៅកាន់​ស្ទើរ​គ្រប់ខេត្ត​-រាជធានី ទូទាំង​ប្រទេស។ លោក​ ញឿក ភារម្យ អាយុ​២៨ឆ្នាំ ជា​ម្ចាស់​កសិដ្ឋាន​ចិញ្ចឹម​ចង្រិតដ៏​ជោគជ័យ​មួយរូប នៅ​ភូមិ​ត្រពាំង​ឫស្សី សង្កាត់​បារាយណ៍ ក្រុង​ដូនកែវ ខេត្ត​តាកែវ ដែល​មាន​អាង​ចិញ្ចឹម​ចង្រិត​ចំនួន​ ៤០០​អាង។

អ្វី​ដែល​គួរ​ឲ្យ​ភ្ញាក់ផ្អើល គឺ​លោកភារម្យ មិន​ធ្លាប់​បាន​ឆ្លងកាត់​ការ​បណ្ដុះ​បណ្ដាល​ពី​បច្ចេកទេស​ចិញ្ចឹម​ចង្រិត​នៅ​សាលា​រៀន​ណាមួយ​នោះទេ។ តើ​កត្តា​អ្វី ដែល​ជំរុញ​លោក​ឲ្យ​បោះបង់​ប្រាក់ខែ​ មក​បណ្ដាក់​ទុន​ចិញ្ចឹម​ចង្រិត​ដោយ​ខ្លួនឯង​បែបនេះ? ចង់ដឹងច្បាស់ សូម​ទស្សនា​វីដេអូ​របស់​ក្រុមការងារ [ផ្លូវទៅស្រុក] ដូច​ខាងក្រោមនេះ៖

ចុចត្រង់នេះ ដើម្បី​ទស្សនា​វីដេអូ​ជក់ចិត្ត​ជាច្រើនទៀត

លោក​ញឿក ភារម្យ កំពុង​កាន់​ថាស​ដាក់​ចំណី​ចង្រិត​ នៅ​ក្នុង​រោង​ចិញ្ចឹម​​ក្បែរ​ផ្ទះ​
លោកភារម្យ កំពុង​រៀប​ចំ​សម្បុក​ចង្រិត ដាក់​ក្នុង​អាង​ចិញ្ចឹម​។ ​អាង​ស៊ីម៉ង់តិ៍​សម្រាប់​ចិញ្ចឹម​ចង្រិត​នេះ មាន​ទទឹង​២ ម៉ែត្រ បណ្តោយ​៧​ម៉ែត្រ ​កម្ពស់​៨​តឹក​។ ឯ​សម្បុក​ចង្រិត​វិញ គេ​អាច​ធ្វើ​ពី​ស្លឹក​ប្ញស្សី កាក​អំពៅ បាវ​ក្រចៅ ឬ​ ប្រអប់​ពង​មាន់​ពង​ទា​ធ្វើ​ពី​ក្រដាស​។
កូន​ចង្រិត​តូច​ៗ ដែល​ទើប​នឹង​ញាស់​ចេញ​ពី​ពង នាំ​គ្នា​តោង​សម្បុក​ដែល​ធ្វើពី​ប្រអប់​ពង​មាន់​ពង​ទា។ ចង្រិត​តូចៗ​នេះ គឺ​ជា​កូន​ពូជ​ ដែលគេយក​ទៅ​ចិញ្ចឹម​នៅ​ក្នុង​អាង​ដែល​បាន​រៀប​ចំ​រួច​ជា​ស្រេច​ តាំង​ពី​ពួក​វា​នៅ​ជា​ពង​មក​ម៉្លេះ​។​
លោក ញឿក ភារម្យ កំពុង​ដាក់​ចំណី​ឱ្យ​ចង្រិត​ស៊ី។ ការ​ដាក់​ចំណី​នេះ​ ធ្វើ​ឡើង​មួយ​ថ្ងៃ​ ២​ដង គឺ​ពេល​ព្រឹក និងពេល​ល្ងាច ប៉ុន្តែ​ទឹក​សម្រាប់​ចង្រិត​ផឹក​ ត្រូវ​មាន​ពេញ​មួយ​ថ្ងៃ។ គេ​អាច​ចាប់​ចង្រិត​លក់​បាន បន្ទាប់​ពី​ចិញ្ចឹម​វា​អស់​រយៈ​ពេល ៤៥​ថ្ងៃ​។
ក្រៅ​ពី​ការ​លក់​ចង្រិត​រស់ ពង​ចង្រិត​សម្រាប់​ធ្វើ​ពូជ លោក ញឿក ភារម្យ មាន​លក់​ចង្រិត​បំពង ហើយ​មាន​គម្រោង​ផលិត​ម្សៅ​ចង្រិត​ នាំ​ចេញ​ទៅ​លក់​នៅ​បរទេស​ផង​ដែរ​។

ទស្សនា​វីដេអូគួរឲ្យ​ចាប់​អារម្មណ៍​ផ្សេងទៀត ដូចខាងក្រោម៖

រូបភាព&វីដេអូ៖ ក្រុមការងារផ្លូវទៅស្រុក

តើ​អ្នក​ដឹង​ទេ តាកែវ​ ជា​ខេត្ត​​មួយ​ដែល​មាន​កន្លែង​ចិញ្ចឹមចង្រិត​ដ៏ធំ ដែល​អាច​នាំចេញ​​ទៅកាន់​ស្ទើរ​គ្រប់ខេត្ត​-រាជធានី ទូទាំង​ប្រទេស។ លោក​ ញឿក ភារម្យ អាយុ​២៨ឆ្នាំ ជា​ម្ចាស់​កសិដ្ឋាន​ចិញ្ចឹម​ចង្រិតដ៏​ជោគជ័យ​មួយរូប នៅ​ភូមិ​ត្រពាំង​ឫស្សី សង្កាត់​បារាយណ៍ ក្រុង​ដូនកែវ ខេត្ត​តាកែវ ដែល​មាន​អាង​ចិញ្ចឹម​ចង្រិត​ចំនួន​ ៤០០​អាង។

អ្វី​ដែល​គួរ​ឲ្យ​ភ្ញាក់ផ្អើល គឺ​លោកភារម្យ មិន​ធ្លាប់​បាន​ឆ្លងកាត់​ការ​បណ្ដុះ​បណ្ដាល​ពី​បច្ចេកទេស​ចិញ្ចឹម​ចង្រិត​នៅ​សាលា​រៀន​ណាមួយ​នោះទេ។ តើ​កត្តា​អ្វី ដែល​ជំរុញ​លោក​ឲ្យ​បោះបង់​ប្រាក់ខែ​ មក​បណ្ដាក់​ទុន​ចិញ្ចឹម​ចង្រិត​ដោយ​ខ្លួនឯង​បែបនេះ? ចង់ដឹងច្បាស់ សូម​ទស្សនា​វីដេអូ​របស់​ក្រុមការងារ [ផ្លូវទៅស្រុក] ដូច​ខាងក្រោមនេះ៖

ចុចត្រង់នេះ ដើម្បី​ទស្សនា​វីដេអូ​ជក់ចិត្ត​ជាច្រើនទៀត

លោក​ញឿក ភារម្យ កំពុង​កាន់​ថាស​ដាក់​ចំណី​ចង្រិត​ នៅ​ក្នុង​រោង​ចិញ្ចឹម​​ក្បែរ​ផ្ទះ​
លោកភារម្យ កំពុង​រៀប​ចំ​សម្បុក​ចង្រិត ដាក់​ក្នុង​អាង​ចិញ្ចឹម​។ ​អាង​ស៊ីម៉ង់តិ៍​សម្រាប់​ចិញ្ចឹម​ចង្រិត​នេះ មាន​ទទឹង​២ ម៉ែត្រ បណ្តោយ​៧​ម៉ែត្រ ​កម្ពស់​៨​តឹក​។ ឯ​សម្បុក​ចង្រិត​វិញ គេ​អាច​ធ្វើ​ពី​ស្លឹក​ប្ញស្សី កាក​អំពៅ បាវ​ក្រចៅ ឬ​ ប្រអប់​ពង​មាន់​ពង​ទា​ធ្វើ​ពី​ក្រដាស​។
កូន​ចង្រិត​តូច​ៗ ដែល​ទើប​នឹង​ញាស់​ចេញ​ពី​ពង នាំ​គ្នា​តោង​សម្បុក​ដែល​ធ្វើពី​ប្រអប់​ពង​មាន់​ពង​ទា។ ចង្រិត​តូចៗ​នេះ គឺ​ជា​កូន​ពូជ​ ដែលគេយក​ទៅ​ចិញ្ចឹម​នៅ​ក្នុង​អាង​ដែល​បាន​រៀប​ចំ​រួច​ជា​ស្រេច​ តាំង​ពី​ពួក​វា​នៅ​ជា​ពង​មក​ម៉្លេះ​។​
លោក ញឿក ភារម្យ កំពុង​ដាក់​ចំណី​ឱ្យ​ចង្រិត​ស៊ី។ ការ​ដាក់​ចំណី​នេះ​ ធ្វើ​ឡើង​មួយ​ថ្ងៃ​ ២​ដង គឺ​ពេល​ព្រឹក និងពេល​ល្ងាច ប៉ុន្តែ​ទឹក​សម្រាប់​ចង្រិត​ផឹក​ ត្រូវ​មាន​ពេញ​មួយ​ថ្ងៃ។ គេ​អាច​ចាប់​ចង្រិត​លក់​បាន បន្ទាប់​ពី​ចិញ្ចឹម​វា​អស់​រយៈ​ពេល ៤៥​ថ្ងៃ​។
ក្រៅ​ពី​ការ​លក់​ចង្រិត​រស់ ពង​ចង្រិត​សម្រាប់​ធ្វើ​ពូជ លោក ញឿក ភារម្យ មាន​លក់​ចង្រិត​បំពង ហើយ​មាន​គម្រោង​ផលិត​ម្សៅ​ចង្រិត​ នាំ​ចេញ​ទៅ​លក់​នៅ​បរទេស​ផង​ដែរ​។

ទស្សនា​វីដេអូគួរឲ្យ​ចាប់​អារម្មណ៍​ផ្សេងទៀត ដូចខាងក្រោម៖

រូបភាព&វីដេអូ៖ ក្រុមការងារផ្លូវទៅស្រុក

អត្ថបទ៖ សុខ សុវត្ថិ

;