[វីដេអូ] របរត្បាញសូត្រ របស់អ្នកភូមិប៉ោយចារ ខេត្តបន្ទាយមានជ័យ

2019-02-11 08:59:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកស្រី ដាំ ស្រីមុំ ជាម្ចាស់សិប្បកម្មតម្បាញសូត្រ នៅភូមិប៉ោយចារ ខេត្តបន្ទាយមានជ័យ។ មុនក្លាយជាម្ចាស់សិប្បកម្មនេះ អ្នកស្រីគ្រាន់តែជាអ្នកស៊ីឈ្នួលត្បាញសូត្រម្នាក់ប៉ុណ្ណោះ។ ក្នុងឆ្នាំ២០០៨ អ្នកស្រីបានចាប់ផ្តើមចងក្រងក្រុមស្ត្រីអ្នកត្បាញ និងបង្កើតជាសិប្បកម្មតម្បាញសូត្រ ផ្គត់ផ្គង់ឱ្យសមាគម Khmer Golden Silk និងអតិថិជនផ្សេងៗ។ អ្នកស្រីបញ្ជាក់ថា ការងារត្បាញសូត្រ ទាមទារការអំនត់ និងយកចិត្តទុកដាក់ខ្លាំង ព្រោះសរសៃសូត្រផុយណាស់ បើគ្មានការអត់ធ្មត់ វានឹងដាច់។

អ្នកស្រី ដាំ ស្រីមុំ

ទោះផលិតផលអ្នកស្រីមានទីផ្សារស្ទើរគ្រប់ខេត្ត-រាជធានីក្នុងប្រទេសកម្ពុជាក៏ដោយ ក៏អ្នកស្រីចង់ឲ្យអ្នកពាក់ព័ន្ធ ជួយស្វែងរកទីផ្សារបន្ថែមទៀត ដល់ផលិតផលសូត្រខ្មែរ ដើម្បីអភិរក្ស និងអភិវឌ្ឍ របរតម្បាញសូត្រដែលបន្សល់ទុកពីដូនតាមួយនេះ ឲ្យឋិតថេរគង់វង្ស។

សូមបញ្ជាក់ថា សិប្បកម្មតម្បាញសូត្ររបស់អ្នកស្រី ដាំ មុំ មានផលិតផលដែលផលិតពីសសៃអំបោះ និងសូត្រ។ ផលិតផលទាំងនោះ មានដូចជា ភួយដណ្តប់ ក្រមាបង់ក កន្សែង ក្រណាត់សូត្រ... ។ ទីផ្សារធំបំផុតរបស់ផលិតផលទាំងនេះ គឺ ខេត្តសៀមរាប និង រាជធានីភ្នំពេញ។